Mäjılıs deputaty Marat Bäşımov Densaulyq saqtau ministrı Aqmaral Älnazarovanyŋ Bıryŋǧai jinaqtauşy zeinetaqy qorynan (BJZQ) tıs emdeuge arnalǧan bır rettık tölemderdı alu mümkındıgın toqtatu ūsynysyn synǧa aldy, dep habarlaidy “Adyrna” ūlttyq portaly.
«Densaulyq saqtau ministrı Aqmaral Älnazarova kım üşın jūmys ısteidı? 1. Qarapaiym halyq mūndai antihalyqtyq şeşımge taŋǧaldy. 2. Qazaqstan Prezidentı Qasym-Jomart Toqaev zeinetaqy jinaqtaryn tıs emdeuge paidalanuǧa rūqsat bergende halyq quanǧan edı. Al būl halyq üşın maŋyzdy ärı qajet dünie boldy», - dep jazdy Bäşımov särsenbı künı äleumettık jelıdegı paraqşasynda.
Deputat sondai-aq, «Tıs emdeu är azamattyŋ densaulyǧyna äser etetın adam tözgısız, qymbat järdemaqyǧa ainalǧany jasyryn emes» ekenın atai kettı.
«BJZQ qarajatyn tek nauqas balalardy emdeuge paidalanudyŋ ūsynylǧan balamasy kümändı dünie, öitkenı būl ata-analardan bärıbır aqyr soŋy nätijesız şyǧatyn diagnozdy rastaityn barlyq qūjattardy biurokratiialyq jolmen jinatqyzudy talap etedı jäne t.b. Adam jäne azamat qūqyqtarynyŋ müddelerıne qaişy keletın būl būiryqtyŋ küşın joiu qajet», - dep basa aitty Bäşımov.
Mäjılısmennıŋ jazbasyna «Ädıldık joly» ükımettık emes ūiymynyŋ atqaruşy direktory Didar Smaǧūlov tüsınıkteme berdı.
«Būl netken halyqqa qarsy qadam. Köptegen adamdar üşın būl tısterın emdeudıŋ jalǧyz mümkındıgı boldy, öitkenı proseduralar öte qymbat tūrady. Aldymen olar medisinalyq kömektı udai baǧaǧa köteredı, endı kelıp oǧan zeinetaqy tölemderın paidalanudy mümkın emes eteiın dep otyr. Ministr otstavkaǧa ketsın! – dep jazdy Smaǧūlov.
Ūqsas jaŋalyqtar
