Aqmola oblysynda 2026 jyldyŋ basynan berı 26 myŋǧa juyq jaŋa jūmys orny qūryldy. Onyŋ 21 myŋnan astamy tūraqty jūmys oryndary. Būl belgılengen jyldyq jospardyŋ 108,5 paiyzyna teŋ. Öŋırde halyqty jūmyspen qamtu, jūmyssyz azamattardy eŋbekke tartu jäne käsıptık daiarlau baǧytyndaǧy jūmystar jalǧasyp jatyr, dep habarlaidy Adyrna tılşısı.
Aqmola oblysynyŋ jūmyspen qamtudy jäne äleumettık baǧdarlamalardy üilestıru basqarmasynyŋ mälımetınşe, 2026 jyldyŋ ekınşı toqsanynda öŋırdegı jalpy jūmyssyzdyq deŋgeiı 4,4 paiyzdy, al jastar arasyndaǧy jūmyssyzdyq 2,7 paiyzdy qūraǧan.
Jyl basynan berı jūmyspen qamtu organdaryna 20 706 adam jügıngen. Onyŋ ışınde 13 602 azamat jūmysqa ornalasyp, ötınış bıldırgenderdıŋ 65,7 paiyzy eŋbekpen qamtylǧan.
«Bos jūmys oryndaryna qoljetımdılıktı arttyru maqsatynda oblysta 155 järmeŋke ūiymdastyryldy. Jūmys beruşıler 7 288 bos jūmys ornyn ūsynǧan. Järmeŋkeler nätijesınde 163 adam tūraqty jūmysqa ornalassa, 67 azamat qoǧamdyq jūmystarǧa, äleumettık jūmys oryndaryna, jastar praktikasyna jäne käsıptık oqytuǧa joldanǧan. Käsıptık daiarlau baǧytynda da josparly körsetkış oryndaldy. Qysqa merzımdı käsıptık oqytuǧa 300 adamdy qamtu közdelgenımen, 1 qaraşadaǧy jaǧdai boiynşa 310 azamat oqudan öttı. Būl jospardyŋ 103 paiyzyn qūraidy», - dep atap öttı basqarmadan.
Sonymen qatar äleumettık osal sanattaǧy azamattardyŋ käsıpkerlık bastamalaryn qoldau üşın 334,3 million teŋge qarastyrylǧan. Osy qarajat esebınen 270 memlekettık grant beru josparlanǧan. Bırınşı kezeŋnıŋ qorytyndysy boiynşa 104 azamatqa jalpy somasy 37 million teŋge grant berıldı.
Jalpy, jyl basynan berı jūmyspen qamtudyŋ belsendı şaralaryna 2 155 adam qatysqan. Olardyŋ qatarynda qoǧamdyq jūmystarǧa tartylǧandar, jastar praktikasyna qatysuşylar jäne «Kümıs jas» jobasy aiasynda jūmysqa ornalasqan azamattar bar.
«Bızdıŋ basty mındetımız - tek jaŋa jūmys oryndaryn aşu emes, olardyŋ tūraqty boluyn qamtamasyz etu. Sebebı jūmyspen qamtu saiasatynyŋ nätijesı qūrylǧan jūmys oryndarynyŋ sanymen ǧana emes, azamattardyŋ tūraqty tabys tabuyna, käsıbi damuyna jäne eŋbek naryǧynda öz ornyn tabuyna jasalǧan mümkındıktermen ölşenedı», - dep tolyqtyrdy basqarmadan.
