Aqmola oblysynyŋ Zerendı audanyna qarasty Aidarly auylynda Mäsıp Batyrhanūly atyndaǧy halyqaralyq «Qansonar-2026» qūsbegılık turnirı jalǧasuda.
Bügın jarystyŋ bürkıtter arasyndaǧy ekı kezeŋı ötıp, qatysuşylar qyran baptaudaǧy şeberlıkterın körsettı. Turnirdıŋ qorytyndy nätijelerı erteŋ jariialanady.
Halyqaralyq dodaǧa Qazaqstannyŋ toǧyz öŋırınen, sondai-aq Türkiia, Moŋǧoliia jäne Reseiden kelgen qūsbegıler qatysuda. Ūiymdastyruşylardyŋ mälımetınşe, jarysqa 50 qatysuşy tırkelgen. Saiysqa 49 bürkıt, 15 itelgı jäne 10 qarşyǧa äkelıngen. Bügın bürkıtter arasyndaǧy «Qolǧa şaqyru» jäne «Tülkıge salu» kezeŋderı öttı. Erteŋ itelgı men qarşyǧa baǧyttary boiynşa jarystar ūiymdastyrylady.
Halyqaralyq därejedegı töreşı Marat Qoişinnıŋ aituynşa, biylǧy turnirge täjıribelı qūsbegılermen qatar, Aziia jäne älem chempiondary, sondai-aq Düniejüzılık köşpendıler oiyndarynyŋ chempiondary men jüldegerlerı qatysyp jatyr. Onyŋ sözınşe, jarystyŋ halyqaralyq auqymy ūlttyq qūsbegılık önerge degen qyzyǧuşylyqtyŋ artyp kele jatqanyn körsetedı.
Turnirge qatysuşylardyŋ qatarynda Almaty qalasynan kelgen Arman Qūşqarov ta bar. Ol qūsbegılık önerdı bala kezınen äkesıne qarap üirengen. Qazır jarysqa Medeu atty bürkıtımen qatysyp otyr. Būl qyran Düniejüzılık köşpendıler oiyndarynda Qazaqstan atynan öner körsetıp, kümıs jüldege ie bolǧan.
«Qūsbegı üşın eŋ maŋyzdysy – qyrannyŋ mınezın tüsınu. Är bürkıttıŋ özındık erekşelıgı bar, sondyqtan olardyŋ bärıne bırdei täsıl qoldanuǧa bolmaidy. Qūstyŋ mınezıne qarai baptau ädısterın de özgertu qajet», – deidı Arman Qūşqarov.
Ūlttyq önerdıŋ ūrpaqtan ūrpaqqa jalǧasyp kele jatqanyn Moŋǧoliianyŋ Baian-Ölgei aimaǧynan kelgen qūsbegı Nūrǧaiyp Ydyrysūlynyŋ tarihy da däleldeidı. Ol qūsbegılıkpen 46 jyldan berı ainalysady jäne «Qansonar» turnirıne törtınşı ret qatysyp otyr. Aituynşa, onyŋ jetı atasy da bürkıtşı bolǧan. Sondai-aq ol qūsbegılık önerımen tanylǧan Qyz Aişolpannyŋ äkesı.
Nūrǧaiyp Ydyrysūly Moŋǧoliiada ūiadan alǧan ekı jasar bürkıtın alyp kelgen. Ol Qazaqstan halqyna sälem joldap, barlyq qūsbegıge sättılık tıledı.
Turnirdıŋ taǧy bır qatysuşysy – Türkiiadan kelgen Mutlu. Ol Qazaqstanǧa altynşy ret kelıp otyr jäne jarysqa itelgımen qatysady. Qūsbegınıŋ aituynşa, būl sapardyŋ maŋyzy tek jaryspen şektelmeidı.
«Men Qazaqstandy öte jaqsy köremın. Qazaq dostarymmen bırge bolu men üşın jarysqa qatysudan da maŋyzdy», – deidı Mutlu.
Ol qūsbegılık önerdı türkı halyqtaryna ortaq köne dästür retınde atap öttı. Onyŋ pıkırınşe, saiatşylyq önerı qazaqtar men qyrǧyzdar arasynda ǧana emes, Türkiiadaǧy türkı qauymdastyqtary arasynda da saqtalǧan mädeni mūranyŋ bır bölıgı.
Halyqaralyq «Qansonar-2026» turnirı ūlttyq qūndylyqtardy saqtau, dästürlı saiatşylyq önerın damytu jäne ony jas ūrpaqqa tanytu maqsatynda ūiymdastyrylǧan. Jarys 22 qazanǧa deiın jalǧasady. Erteŋ turnirdıŋ kelesı kezeŋderı ötıp, qorytyndy nätijelerı jariialanady.
