QazŪU-dyŋ Jurnalistika fakultetınde şeberlık saǧattary öttı. Aptalyq Äl-Farabi atyndaǧy Qazaq Ūlttyq universitetı Jurnalistika fakultetınıŋ studentterı üşın öte äserlı kezdesulerımen este qaldy. Atalǧan şara «Baspagerlık-redaktorlyq jäne dizainerlık öner» kafedrasynyŋ ūiymdastyruymen öttı.
Elımızge belgılı baspa jäne jurnalistika salalarynda özındık qoltaŋbalaryn qaldyryp, ädebietımızde oiyp oryn alǧan dara tūlǧalarymyz arnaiy kelıp, studenttermen oi bölıstı. Jastar tarapynan qoiylǧan sūraqtarǧa da jauap berıp, studentterdıŋ baspager-redaktor boluǧa degen ynta-jıgerın arttyra tüstı. Atap aitar bolsaq, kelgen qonaqtar qatarynda Qazaqstannyŋ eŋbek sıŋırgen qairatkerı, TMD Jurnalister konferedasiiasy syilyǧynyŋ laureaty, jurnalist-redaktor – Qainar Oljai, «Steppe and WORLD Publishing» baspasy men «Alghayat» ädebi agenttıgınıŋ negızın qalauşy Raisa Sairan, «Arys» baspasynyŋ direktory Ǧarifolla Änes, «Aq jelken» jurnalynyŋ bas redaktory Esei Jeŋısūly, «Öner» baspasynyŋ direktory Äşırbek Köpış, «Ädebiet» baspa üiınıŋ jäne «Merei» baspasynyŋ direktory Ǧalym Qalibekūly bolsa, osy därısterdı «Qazyna» qazaq tılındegı kıtap dükenderı jelısınıŋ direktory Almas Şaiken qorytyndylady. Mūndaǧy maqsat – bolaşaq jurnalist mamandarynyŋ, onyŋ ışınde baspa salasynyŋ studentterı üşın kıtaptyŋ baspaǧa daiyndaluynan bastap, onyŋ kıtap dükenderıne taratyluyna deiın aqparat beru. Sonymen qosa, şeberlık saǧatyn ötkızgen ärbır qonaqtyŋ jürıp ötken joly, ömırı, eŋbek jolymen studentterdı tanystyryp, redaktorlyqtyŋ qyr-syrynan habardar etu. Asylynda, baspagerlık-redaktorlyq mamandyǧy – eŋ bırınşı, sauattylyqty, jauapkerşılıktı qajet etetın naǧyz öner. Sol sebeptı, redaktorlaudyŋ da özıne tän erejelerı baryn, sondai-aq qasiettı mamandyq ekenın şeberlık saǧattary barysynda studentter qanyqty. Kelelı kezdesulerge arnaiy qonaqtarmen qosa, osy därısterdıŋ joǧary deŋgeide ötuıne yqpal etken – «Baspagerlık-redaktorlyq jäne dizainerlık öner» kafedrasynyŋ meŋgeruşısı Aigül Ämırǧaliqyzy Ramazan, sondai-aq oqytuşy-professorlar qūramy: Temırǧali Köpbaev, Ermahan Şaihyūly, Qoŋyr Mūhataeva, Serık Qaliev, Bolatbek Tölepbergen, Därmen Smaiyl jäne Nazken Janserıkqyzy da bar.
Atalǧan şeberlık saǧatyna qatysqan studentter "osyndai igı şarany ūiymdastyryp, studentterdıŋ mamandyq taŋdauda qatelespegenın taǧy bır märte däleldep, jarqyn bolaşaqqa jetelegen Äl-Farabi atyndaǧy Qazaq ūlttyq universitetı, Jurnalistika fakultetı, Baspagerlık-redaktorlyq jäne dizainerlık öner kafedrasyna" öz alǧystaryn bıldırdı. Mūndai taǧylymy mol ärı ǧibrat alatyn şeberlık saǧattary baspa salasynyŋ studentterıne bolaşaqqa baǧdarşam ǧana emes, sonymen qosa jurnalistikaǧa basqan alǧaşqy adymdar bolmaq.
