Jaqynda äl-Farabi atyndaǧy Qazaq ūlttyq universitetınde filologiia fakultetın 1974 jyly bıtırgen tülekter kezdesuı bolyp öttı.
50 jyldyq kezdesu QazŪU-dyŋ 90 jyldyǧy aiasynda JOO Rektory Janseiıt Qanseiıtūly Tüimebaevtyŋ kelısımımen josparlanǧan bolatyn. Mereitoilyq ıs-şarany QR Memlekettık syilyǧynyŋ Laureaty, QazŪU rektorynyŋ Keŋesşısı, 1974 jylǧy tülek Ötegen Oralbaev ūiymdastyrdy.
Kezdesuge elımızdıŋ är aimaǧynan 30-ǧa juyq tülek kelıp qatysty. Olar eŋ aldymen oqu ǧimaratymen tanysyp, endı ǧana ülken ömırge qadam basqan 1-kurs studentterıne aqyl-keŋesterın aityp, jyly lebızderın jetkızdı.
Mereitoilyq jiyndy aşqan QazŪU rektorynyŋ Keŋesşısı Ötegen Oralbaev:
«Bız Qazaqstannyŋ tükpır-tükpırınen kelıp, dos boldyq. Özderıŋdı körıp jastyq şaǧymyzdy bırge ötkızgen künderımız qaita oralǧandai bolyp otyr. Osy künge deiın, bır-bırımızdı ūmytpai, aralasyp kele jatyrmyz. 1969 jyly bastalǧan dostyqtyŋ tuyn qūlatpai, älı joǧary ūstap jürmız», – dep bastady.Filologiia fakultetınıŋ tülekterın qūttyqtap, QazŪU-dyŋ jurnalistika fakultetın 1974 jyly aiaqtaǧan Janbolat Aupbaev ta kezdesuge qatysyp, söz söiledı. Ol öz sözınde: «Bızdıŋ tūsymyzda Memlekettık märebesın alǧan üş universitet bolsa, sonyŋ eŋ alǧaşqysy osy QazŪU boldy. Bız osy oqu ornyna oquǧa tüstık, sol üşın bız baqyttymyz. Ekınşı baqytymyz – on ekı oblystyŋ ökılderımen bırge oqydyq. Üşınşı baqytymyz – özımız oqityn pänderdıŋ avtorlarymen, ülken ǧūlamalardyŋ közın körgen ǧalymdardyŋ özınen sabaq alǧanymyz. Filfak pen jurfak tel fakultet. Eger QazŪU-da sol jyldary 18 fakultet bolsa, ekeuı bır-bırımen öte jaqyn aralasyp ketken edı», – dedı. Qara şaŋyraqtyŋ jurnalistika fakultetınde ūzaq jyldar boiy şäkırtter tärbielep şyǧarǧan bügıngı 50 jyldyq mereitoi iesı Dämegül Baijıgıtova da studentterge jürekjardy tılekterın jetkızdı. – «Bız oqyǧan jyldary joǧary oqu orny S. M. Kirov atyndaǧy Memlekettık Universitet bolatyn. Qazır onyŋ atauy ǧana emes, jalpy tehnikalyq jaǧynan jabdyqtaluy zaman talabyna sai özgergen. Äl-Farabi kıtaphanasynyŋ ışkı qūrylymy qandai ǧajap deseŋızşı! Onda kez kelgen studentke bılım alu üşın barlyq jaǧdai jasalǧan. Mäselen, 850 oqyrman 10 minut ışınde elektrondy kıtaptar men oqu qūraldarymen bır sätte qamtamasyz etıledı eken. Bızder bılım alǧan kezeŋde mūndai mümkındıkter bolmaǧan. Sondyqtan jastar men studentterge aitarym, Äbış Kekılbaev aǧamyzdyŋ «Baǧalai bılmegenge baq qonbaidy, quana bılmegenge qūt qonbaidy» degen sözderın ärdaiym este ūstap, baǧalai bılıŋder. Taǧy da qosarym, Memleketımızdıŋ basşysy Qasym-Jomart Kemelūly Toqaev halyqqa ūsynǧan Joldaularynda «Adal adam» ideiasyn ünemı mäsele etıp köterıp keledı. Ol qazırgı jastarǧa qoiylatyn basty talaptar retınde bırınşıden, jan-jaqty bılımdı boludy; ekınşıden eŋbekqorlyqqa tärbieleu; üşınşıden öz elınıŋ patrioty boludy ūsyndy. Osy üş qasiettıŋ öskeleŋ ūrpaqtyŋ boiynda bolǧanyn bız de qalaimyz. Qazırgı innovasiialyq tehnologiianyŋ qaryştap damyǧan kezeŋınde sızderge zamanǧa sai tereŋ bılım alyp, eŋbek ete berıŋder degım keledı», – dedı ǧalym, ūstaz. Kezdesu soŋynda söz alǧan professor Dandai Ysqaqūly filologiia mamandyǧynyŋ erekşelıgın jetkıze kelıp:
“ Äsırese, «Söz – eŋ bır quatty qaru», «Söz» ıske ainalady. Är ūlttyŋ da erekşelıgı sözınen körınedı. Al ūstaz bolsa ūlttyŋ bolaşaǧyn jasaityn eŋ ūly tūlǧa. Mysaly, İzrailde 8 mln. evrei bar. Onyŋ 3 mln. 500 myŋy arabtar eken. Qazır osy ekı eldıŋ arasynda jaǧdai uşyǧyp otyr. Osy tūsta eŋ bastysy senıŋ tılıŋnıŋ myqty bolǧany maŋyzdy bolyp otyr. Sonda ǧana kez kelgen eldıŋ ruhy myqty bolady. Qazır adam kapitaly ūltyŋ erekşe bolsa ǧana alǧa şyǧady. Sondyqtan bızge qazır qazaq tılın küşeitu kerek. Qazaq tılınıŋ tuyn köteretın bızder, iaǧni tıl mamandary bolǧandyqtan artylar jük köp ekendıgın ūmytpaiyq”, – dedı.Is-şaraǧa qatysqan bırınşı kurs studentterı oqu ordasyna arnalǧan öleŋder oqyp, otansüigıştıktı nasihattaityn änder oryndady. Kezdesu barysynda jinalǧan tülekter tek estelıktermen ǧana bölısıp qoimai, äl-Farabi atyndaǧy QazŪU-dyŋ aldaǧy damu josparymen de tanysty. Olar öz tarapynan joǧary oqu orny men filologiia fakultetıne eskertkış syilyqtaryn tabys ettı. Jalpy 27 myŋǧa juyq student bılım alyp jatqan oqu ordasynda 600 ǧylym doktory, 3 myŋǧa juyq mūǧalım, 6 myŋnan astam qyzmetker jūmys ısteidı. Biylǧy Qasiettı qara şaŋyraqtyŋ 90 jyldyǧy aiasynda universitette ötkızıletın türlı ǧibratty da tarihi-tanymdyq şaralar men kezdesuler sany arta tüspek.
Ūqsas jaŋalyqtar
