AQŞ äskerı qajet bolǧan jaǧdaida İranǧa qarsy şabuyldardy tört-bes apta boiy jalǧastyra alady. Būl turaly Aq üi basşysy Donald Tramp The New York Times basylymyna bergen sūhbatynda aitty, dep habarlaidy «Adyrna» tılşısı.
«İä, bız tört-bes aptaǧa josparlap otyrmyz. Būl qiyndyq tudyrmaidy», – dedı ol.
Daily Mail basylymyna bergen sūhbatynda amerikalyq köşbasşy İranǧa qarsy operasiia «tört apta nemese odan da az uaqytqa sozylatynyn» aitty.
Basylymnyŋ mälımetınşe, Aq üi basşysy kelıssözderge älı de aşyq ekenın jetkızgen, alaida «söilesudı ötken aptada bastau kerek edı» dep atap ötken. Dese de, ol Tegeran AQŞ talaptaryn qanaǧattandyrǧan jaǧdaida soqqylardy toqtatuǧa daiyn ekenın bıldırdı.
Tramp sondai-aq videoündeu jariialap, irandyqtar amerikalyq şabuyldan keiın qaruyn tastamasa, küştık qūrylymdar men äskeri qyzmetkerlerdı ölım kütıp tūrǧanyn eskerttı.
«Men İslam revoliusiiasy saqşylar korpusyn, İran armiiasyn, polisiiasyn qarudy tastauǧa jäne tolyq immunitet aluǧa şaqyramyn. Äitpese, ölım bolady. Ölım – şyndyqqa ainalady, būl jaqsy bolmaidy», – dedı ol.
AQŞ prezidentı İran halqyna da ündeu jasap, el azamattaryna bergen uädesın oryndaǧanyn aityp, sättı paidalanuǧa şaqyrdy.
«Qalǧany özderıŋızge bailanysty. Bız sızdermen bırge bolyp, kömektesemız», – dedı Tramp.
28 aqpanda AQŞ pen İzrail İranǧa qarsy auqymdy äskeri operasiia bastaǧan edı. Tel Aviv tarapy soqqylardyŋ maqsaty Tegerannyŋ iadrolyq qaruǧa qol jetkızuıne jol bermeu ekenın mälımdedı. Al Tramp İran flotyn jäne qorǧanys önerkäsıbın joiu kerektegın aityp, el azamattaryn rejimdı qūlatuǧa şaqyrdy. BAQ mälımetınşe, zymyrandar tek äskeri nysandarǧa ǧana emes, İslam Respublikasyndaǧy jäne öŋırdıŋ özge elderındegı azamattyq infraqūrylymǧa da tiıp jatyr. Tegeran jauap retınde İzrail aumaǧyna jäne Taiau Şyǧystaǧy amerikalyq bazalarǧa soqqy jasauda.
