Malaızııada oqyp júrgen 17 jastaǵy qazaqstandyq stýdent Nuraı Qadyr pnevmonııadan kóz jumdy, dep habarlaıdy “Adyrna” ulttyq portaly POLITICO.KZ-ke siltep.
Nuraı Qadyr Qytaıdyń Xiamen ýnıversıtetiniń Sepang qalasyndaǵy kampýsynda bilim alǵan. Onyń ólimine baılanysty áleýmettik jelilerde birneshe stýdent pen blogerler beınemálimdemeler jasap, ýnıversıtet ákimshiligin stýdentterge salǵyrttyq tanytty dep aıyptaýda.
“Nuraı birneshe kún boıy joǵary temperatýramen júrgen. Ol birneshe ret kýratorlar men ýnıversıtet ákimshiliginen medıınalyq kómek suraǵan. Alaıda eshqandaı shara qoldanylmaǵan. Temperatýrasy 39,5 gradýsqa jetkenimen, oǵan nazar aýdarmady. Jaǵdaıy tym nasharlaǵan kezde ǵana klınıkaǵa jetkizilgenimen, bul kesh boldy,” – deıdi Nuraımen birge oqyǵan stýdentterdiń biri.
Qazirgi tańda áleýmettik jeli qoldanýshylary Nuraıdyń ólimine kinálilerdi anyqtap, tıisti shara qoldanýdy talap etýde.
Qazaqstandyq qoǵam belsendileri men stýdentter Xiamen ýnıversıtetinen resmı túsinikteme kútýde. Al qazaqstandyq elshilik bul jaǵdaıdy baqylaýǵa alǵanyn habarlady.
