12 maýsymda Ulttyq qaýipsizdik komıtetiniń tóraǵasy Ermek Saǵymbaevtyń basshylyǵymen terrorızmge qarsy ortalyqtyń kezekti otyrysy ótti, dep habarlaıdy «Adyrna» tilshisi.
Jıynda sheteldik radıkaldardyń ený qaýpin joıý, ekstremızm men terrorızmniń aldyn alý, sondaı-aq osal obektilerdi terrorızmge qarsy qorǵaý máseleleri qaraldy.
UQK jyl basynan bastap Qazaqstanda 1 terrorlyq shabýyldyń aldyn alyp, 26 adam terrorıstik jáne ekstremıstik qyzmeti úshin sottalǵanyn atap ótti.
«Ekstremızm men terrorızmge qatysy bar 151 sheteldik azamattyń elge kirýine jol berilmedi. Respýblıkaǵa tyıym salynǵan dinı ádebıetterdi ákelgeni úshin 19 sheteldik jaýapqa tartyldy. Sondaı-aq 356 terrorızmge qarsy oqý is-sharalary ótkizildi»,—dedi Ulttyq qaýipsizdik komıteti.
