Almatynyŋ Alatau audanynda zamanaui«Alatau» tennis ortalyǧynyŋ resmi aşyluy ötedı. Būl şara Almaty qalasynyŋ künıne orai ūiymdastyrylyp otyr.
Joba – sportty damytu men salauatty ömır saltyn nasihattaudaǧy maŋyzdy qadamdardyŋ bırı. Jaŋa ortalyq tek qalanyŋ sporttyq infraqūrylymyn jaqsartumen şektelmei, käsıbi tennisşılerdı daiarlau, halyqaralyq turnirler ötkızu jäne jastardy sportqa tartu üşın tyŋ mümkındıkter ūsynady.
Zamanaui infraqūrylym
Jaŋa tennis ortalyǧy halyqaralyq standarttarǧa sai salynǧan jäne ITF pen ATF deŋgeiındegı respublikalyq ärı halyqaralyqturnirlerdı qabyldai alady.
Ortalyq aumaǧyndaǧy nysandar:
•Qatty jabyndysy bar 4 jabyq kort;
•Qatty jabyndysy bar 4 aşyq kort;
•Gruntty jabyndysy bar 6 kort;
•Aşyq alaŋdarda 150 oryndyq jäne ǧimarat ışınde 100 oryndyq tribunalar.
«Alatau» jaŋa ortalyǧynyŋ jalpy aumaǧy 5000 şarşy metrden asady. Ortalyq oŋtüstık astananyŋ halqy tyǧyz ornalasqan Alatau audanynda ornalasqan. Mūndaǧy infraqūrylym zamanaui talaptarǧa sai jasaqtalǧan jäne barlyq jas sanatyndaǧy käsıpqoi sportşylar men äuesqoilarǧa arnalǧan.
Ortalyq tek jarystar ötkızumen şektelmei, būqaralyq tennistı damytuǧa baǧyttalǧan. Oqytu üderısıne bılıktı jattyqtyruşylar tartylyp, käsıbi sportşylardy daiarlauǧa jäne būqaralyq sportty damytuǧa barlyq jaǧdai jasalǧan.
Tabysy tömen otbasylardan şyqqan balalar üşın tegın jattyǧu toptary ūiymdastyrylady– ärqaisysynda kemınde 10 baladan ekı top qūrylmaq. Sonymen qatar, köp balaly otbasylar men zeinetkerler üşın jeŋıldıktı şarttar qarastyrylǧan. Ortalyq mümkındıgı şekteulı jandar üşın de tolyqtai beiımdelgen.
Jaŋa ortalyq myna nysandardy qamtidy:
•Medisinalyq kabinet;
•Bufet;
•Zamanaui TechnoGym jattyǧu qūraldarymen jabdyqtalǧan fitnes-zal;
•Konferens-zal.
Jaŋa ortalyq künıne 400 sportşyny qabyldauǧa qabılettı. Atalǧan joba Qazaqstan Tennis federasiiasynyŋ qoldauymen jüzege asyryldy.
Qūrylys tarihy
Auqymdy joba oŋai jüzege aspady. Qūrylys jūmystary 2020 jyly bastalǧan bolatyn, alaida bas merdıger ūiym nysandy uaqytynda tapsyrmai, būl jaǧdai sot ısterı men aiyppūl sanksiialaryna äkeldı. Keiın joba satyp alu qūqyǧynsyz «Tennis Akademiiasy» JŞS-nıŋ senımdı basqaruyna berıldı. Kompaniia qūrylysty aiaqtaudy öz mındetıne aldy. Barlyq jūmystar Qazaqstan Tennis federasiiasynyŋ qadaǧalauymen jürgızıldı.
Jobanyŋ jalpy investisiia kölemı – 1 mlrd teŋge. Qūrylys jūmystary «Elit İnşaat» JŞS merdıger ūiymymen bırlesıp jüzege asyryldy. Jer jäne tehnikalyq qūjattardy räsımdeuge bailanysty merzımnıŋ keiınge şegerılgenıne qaramastan, nysan sättı aiaqtalyp, paidalanuǧa berıldı.
Äleumettık missiia jäne bolaşaqjosparlar
Senımdı basqaru aiasynda «Tennis Akademiiasy» JŞS mynadai äleumettık mındettemelerdı öz moinyna aldy:
•Jyl saiyn elımızdıŋ jetekşı tennisşılerınıŋ qatysuymen şeberlık sabaqtary men oqu-jattyǧu jiyndaryn ūiymdastyru;
•Äleumettık osal otbasylardan şyqqan balalardy tegın oqytu;
•Köp balaly otbasylar men zeinetkerlerge äleumettık jeŋıldıkter ūsynu;
•Jylyna kemınde 400 oquşyny qabyldau.
Ortalyqtyŋ aşyluy Almatynyŋ ǧana emes, bükıl eldıŋ sporttyq ömırınde eleulı oqiǧa sanalady. Jaŋa keşen sportşylardy daiyndaudyŋ sapasyn jaŋa deŋgeige köterıp, elımızdegı tennis infraqūrylymyn damytuǧa ülken üles qosady.
Soŋǧy 18 jylda Qazaqstan Tennis federasiiasy tarapynan sportty damytuǧa salynǧan jeke investisiialar kölemı 150 million AQŞ dollarynan asty. 2007 jyldan berı 364 qatty jäne gruntty jabyndy korttary bar 38 tennis ortalyǧy salyndy. «Alatau» – Federasiianyŋ qarjylai qoldauymen boi kötergen 39-şy tennis ortalyǧy.
