Foto: IIM
Almatyda dıni ekstremizmdı nasihattap, dınaralyq arazdyqty qozdyrdy degen küdıkpen 44 jastaǧy er adam ūstaldy, dep habarlaidy “Adyrna”.
Būl turaly ışkı ıster ministrlıgınıŋ baspasöz qyzmetı habarlady.
Tergeu deregınşe, küdıktı 2024 jyldan berı Qazaqstannan tys jerde jürıp, radikaldy ideialardy taratudy jalǧastyrǧan. Ol jabyq Telegram toptaryn äkımşılendırıp, onlain därıster ötkızgen jäne öz jaqtastaryna ideologiialyq yqpal etken.
Būǧan deiın onyŋ bırqatar audiodärısı sot şeşımımen terrorizmdı nasihattau jäne dıni arazdyqty qozdyru belgılerı bar ekstremistık materialdar dep tanylǧan.
IIM mälımetınşe, küdıktı şeteldegı teologiialyq oqu oryndarynda dıni bılım alǧan. Sondai-aq 2024–2025 jyldary özınıŋ jaqtastary arasyndaǧy bedelın paidalanyp, olardan 60 million teŋgeden astam qarajat alǧan.
11 qaraşada jürgızılgen jedel-ızdestıru ıs-şaralary nätijesınde er adam Almatyda ūstaldy. Sonymen qatar Almaty qalasy men Jambyl oblysynda tergeu äreketterı jürgızıldı. Tıntu barysynda dıni ädebietter men ekstremistık ideologiia belgılerı bar qoljazbalar tärkılengen.
Qazır küdıktı uaqytşa ūstau izoliatoryna qamaldy. Polisiia qyzmetkerlerı ıstıŋ män-jaiyn anyqtap, yqtimal sybailastaryn ızdestırıp jatyr.
