Almatyda 66 jastaǵy zeınetker kúıeýin tirideı órtep jiberdi. Jantúrshigerlik jaǵdaı eki kún buryn, 9 qazanda Medeý aýdanynyń Kerbulaq kóshesinde turatyn erli-zaıyptylardyń úıinde bolǵan, dep habarlaıdy “Adyrna” ulttyq portaly Almaty.tv-ǵa silteme jasap.
Aqparatqa sáıkes, er adam úshinshi dárejeli kúıik jaraqatymen aýrýhanaǵa jetkizilgen. Alaıda aýyr halde bolǵan ol búgin tańerteń kóz jumdy.
Aldyn ala derekter boıynsha, ishimdik iship, masań kúıde bolǵan áıel kúıeýine kerosın shashyp, ot jaǵyp jibergen. Qazir onyń mundaı qadamǵa ne sebepti barǵany anyqtalyp jatyr.
Kúdikti ýaqytsha ustaý ızolıatorynda qamaýda. Polıııa sumdyq jaıttyń mán-jaıyn tergeýge kiristi. Al qala prokýratýrasy qylmystyq isti jeke baqylaýyna alǵanyn málimdedi.
“Medeý aýdandyq polıııa basqarmasy kisi óltirý deregi boıynsha qylmystyq is qozǵady. Kúdikti ustalyp, ýaqytsha ustaý ızolıatoryna qamaldy. Mán-jaılar anyqtalyp jatyr”, - dedi qalalyq PD resmı ókili Saltanat Ázirbek.
