Foto: beinejazbadan alyndy
Aqtöbe qalasynda bes qabatty tūrǧyn üidıŋ bırınşı qabatynda ornalasqan dämhanada gaz-aua qospasy jarylyp, arty örtke ūlasqan. Jarylys saldarynan ǧimaratqa japsarlas salynǧan qūrylys bölıgı opyrylyp tüstı. Oqiǧa kezınde ekı adam jaraqat aldy. Būl turaly TJM habarlady, dep jazady "Adyrna".
Tötenşe jaǧdai 13 qaraşa künı saǧat 10:28-de Täuelsızdık daŋǧyly, 14/1 mekenjaiynda tırkelgen.
Jarylystan keiın dämhananyŋ qosymşa qūrylysy qūlap, ört şyqqan. Sonymen qatar bes qabatty tūrǧyn üidıŋ terezelerı men tereze konstruksiialaryna zaqym kelgen.
Oqiǧa ornyna oblystyq Tötenşe jaǧdailar departamentınıŋ qyzmetkerlerı jedel jetıp, örttı söndıruge kırıstı. Qūtqaruşylardyŋ küşımen jalyn saǧat 10:53-te tolyqtai auyzdyqtaldy.
Jarylys saldarynan zardap şekken ekı adam jedel järdem qyzmetımen auruhanaǧa jetkızıldı. Aldyn ala mälımet boiynşa, qaza tapqandar joq.
Qazırgı uaqytta oqiǧa ornynda Tötenşe jaǧdailar departamentınıŋ bastyǧy jūmys jürgızıp jatyr. Örttı söndıru jäne onyŋ saldaryn joiu şaralaryna 45 qūtqaruşy men 10 arnaiy tehnika jūmyldyrylǧan.
Qazır mamandar gaz-aua qospasynyŋ jaryluyna ne sebep bolǧanyn jäne oqiǧanyŋ özge de män-jailaryn anyqtap jatyr.
