2021 jylǧy 1 qyrküiektegı jaǧdai boiynşa Memlekettık äleumettık saqtandyru qorynan (būdan ärı – MÄSQ) jūmysynan aiyryluyna bailanysty äleumettık tölem aluşylardyŋ sany 82,6 myŋ adamdy qūrady. Būl rette biylǧy jyly 58,8 myŋ adamǧa tölem alǧaş ret taǧaiyndaldy, dep habarlaidy "Adyrna" ūlttyq portaly Eŋbek jäne halyqty äleumettık qorǧau ministrlıgınıŋ baspasöz qyzmetıne sılteme jasap.
Qoldanystaǧy zaŋnamaǧa säikes jūmystan bosatylǧan jūmyskerler mındettı äleumettık saqtandyru jüiesıne qatysu ötılıne jäne soŋǧy 24 aidaǧy tabysyna bailanysty 1 aidan 6 aiǧa deiın jūmysynan aiyryluy boiynşa äleumettık tölemder alady. Tölem joǧalǧan kırıstıŋ 40%-yna deiıngı mölşerde MÄSQ qarajaty esebınen jüzege asyrylady.
Tölem taǧaiyndau üşın jūmystan bosatylǧan jūmyskerge:
- eGov.kz portalynda avtorizasiialanu;
- «Jūmysqa ornalastyru jäne jūmyspen qamtu» bölımınde «Jūmys ızdeuşı adamdardy tırkeu» qyzmetın taŋdau;
- onlain-qyzmetke tapsyrys berıp, barlyq joldardy toltyru jäne oǧan ESQ-men qol qoiyp, ötınımdı jıberu qajet;
- bır kün ışınde tūrǧylyqty jerıŋızdegı halyqty jūmyspen qamtu ortalyǧy (būdan ärı – HJQO) bos jūmys oryndaryn ūsynady;
- eger jūmys tabylmasa, 3 jūmys künı ışınde qaşyqtyqtan jūmyssyz märtebesı berıledı (qajet bolǧan jaǧdaida sızge HJQO qyzmetkerı qosymşa aqparat jinau üşın habarlasady);
"Adyrna" ūlttyq portaly
Ūqsas jaŋalyqtar
