15 aqpan Aýǵanstannan Keńestiń shekteýli áskerı kontıngentin shyǵarý kúnine oraı 50 AEK mólsherinde (184 600 teńge) qarajat tólenedi. Bul týraly Astana qalasynyń Jumyspen qamtý jáne áleýmettik qorǵaý basqarmasy málimdedi, depp habarlaıdy “Adyrna” ulttyq portaly.
Málimet boıynsha, 2024 jyldyń 15 aqpanynda Keńes áskerleriniń Aýǵanstan jerinen shyǵarylǵanyna 35 jyl tolady.
Osyǵan oraı elordada Aýǵanstandaǵy urys qımyldarynyń ardagerleri birqatar áleýmettik qoldaý sharalarymen qamtylady.
Atap aıtqanda:
- qalalyq jolaýshylar kóliginde jeńildikti jol júrý;
- tegin dári-dármekpen qamtamasyz etý;
- eki jylda bir ret tis protezdeý qyzmetteri;
- aı saıyn kommýnaldyq qyzmetter úshin 4,5 AEK mólsherinde (16 614 teńge) aqshalaı ótemaqy.
«Sonymen qosa 15 aqpan Aýǵanstannan Keńestiń shekteýli áskerı kontıngentin shyǵarý kúnine oraı 50 AEK mólsherinde jylyna bir rettik tólem beriledi», - delingen habarlamada.
Aıta keteıik, elordada búginde 1210-nan astam Aýǵan ardageri turady.
