Jetısu oblysynda «Taza Qazaqstan» respublikalyq ekologiialyq baǧdarlamasy bastalǧan uaqyttan berı tazalyq aksiialaryna, tarihi-mädeni mūra eskertkışterı men obektılerın vandalizm ızderınen tazartu ıs-şaralaryna jalpy sany 251 myŋnan astam adam atsalysty. Atap aitqanda, käsıporyndar men memlekettık mekemelerdıŋ qyzmetkerlerı, volonterlar, jastar, şaǧyn jäne orta biznes ökılderı, jalpy oblys tūrǧyndary belsene qatysty.
Bügın, 29 qaraşada oblys jastary Taldyqorǧan qalasynyŋ Ötenai auylynda «EKOkvest» ekologiialyq kvest oiynyn ūiymdastyrdy. Şaraǧa belsendı jastar, Taldyqorǧan qalasynyŋ käsıptık tehnikalyq bılım beru ūiymdarynyŋ studentterı, auyl tūrǧyndary jalpy 100 adam qatysty. Jaŋaşyl formattaǧy şaranyŋ maqsaty – jastar men jasöspırımderge qorşaǧan orta men tabiǧat tazalyǧynyŋ qanşalyqty maŋyzdy ekenın körsete otyryp, oǧan öz ülesterın qosuǧa yqpaldasu. Būl şaraǧa eko-belsendıler men auyl tūrǧyndarynan qūralǧan 15 komanda qatysty. 5 lokasiia boiynşa ötken oiyn Ötenai auylynyŋ ortalyq alleiasynyŋ aumaǧyn qoqystan tazalaumen qatar, jastardy şapşaŋdyq pen ūtqyrlyqqa tärbieleidı. Qatysuşy komandalar belgılengen oryndy tazalap, eŋ köp qoqys şyǧarudan bäsekege tüsıp, sonymen qatar oiyn barysynda tanymdyq sūraqtarǧa jauap berıp, türlı kedergılerden ötedı. Viktorinalyq sūraqtar Jetısu öŋırınıŋ tarihy, tabiǧi maŋyzdy oryndary men kielı jerlerı turaly qoiyldy.
Jetısu oblysynyŋ qoǧamdyq damu basqarmasy basşysynyŋ orynbasary Timur Gubaşev: «Memleket basşysy Qasym-Jomart Kemelūlynyŋ qoldauymen «Taza Qazaqstan» aksiiasy keŋ auqymdy respublikalyq deŋgeige ie bolǧanyn atap ötkım keledı. Bız būl ärekettı köşedegı tazalyqty saqtau retınde ǧana emes, sonymen qatar özımızdı taza ūstau retınde qabyldauymyz kerek. «Taza Qazaqstan» baǧdarlamasynyŋ negızgı ideiasy – barlyq qazaqstandyqtar qoldauy tiıs jaŋa ekologiialyq jäne qoǧamdyq etikany qalyptastyru», - dep atap öttı.
«Qazaqstan studentter aliansy» Jetısu oblystyq filialynyŋ töraǧasy, ekovolonter Eskendır İmandos: «Säuır aiynan bastau alǧan «Taza Qazaqstan» baǧdarlamasy aiasynda oblys jastarynyŋ ūiymdastyruymen 500 asa şara öttı. Jastardyŋ boiyna igı ısterdı darytu barysynda olardyŋ qyzyǧuşylyqtaryn eskerıp, bız tazalyq jūmystarynyŋ paidaly ärı qyzyqty bola alatynyn körsetkımız keledı. Jastardyŋ jaŋa ortasy tazalyqqa jaqyn bolsa, kelesıde osy qatysuşy özınıŋ taǧy bır dosyn ertıp keledı. Söitıp, tazalyqqa jaqyn, tuǧan jerın aialaityn naǧyz janaşyr jastardy qalyptastyra alamyz. Osy tūsta «Taza Qazaqstan» baǧdarlamasynyŋ qoǧamǧa bererı zor ekenın aitqym keledı», - dedı.
Aita ketu kerek, «Taza Qazaqstan» baǧdarlamasy aiasynda Jetısu oblysynda jalpy 2 322 tehnika jūmyldyrylyp, nätijesınde 12 822 tonna qoqys şyǧaryldy. 193 saiabaq pen skverdı, 721 tarihi-mädeni eskertkışterdı tazartu jūmystary jürgızıldı. Baǧdarlama aiasynda oblys aumaǧynda 56 myŋnan astam tüp köşet otyrǧyzyldy.
«Taza Qazaqstan» respublikalyq ekologiialyq baǧdarlamasy Jetısu oblysynda belsendı türde ūiymdastyrylyp, tūrǧyndar tarapynan zor qoldauǧa ie boldy.
Ūqsas jaŋalyqtar
