Bügın Jetısu oblysynda öŋır basşysy Beibıt İsabaevtyŋ töraǧalyǧymen Qazaqstan halqy Assambleiasynyŋ oblystyq Keŋesınıŋ otyrysy öttı. Keŋes otyrysynda Qazaqstan halqy Assambleiasynyŋ aldaǧy XXXIV sessiiasyna qatysu mäselelerı, QHA-nyŋ 30 jyldyǧy aiasynda öŋırde ötkızıletın ıs-şaralar jospary talqylandy. Oblys äkımı Bırlık künı qarsaŋynda «Bırlık jügırısı» sporttyq jügıru, Qazaqstan halqy Assambleiasynyŋ alleiasynyŋ aşyluyn tılge tiek ettı, dep habarlaidy Jetısu oblysy äkımınıŋ baspasöz qyzmetı.
Ötken onjyldyqta Assambleia azamattyq qoǧamnyŋ maŋyzdy institutyna ainalǧanyn atap ötken Beibıt İsabaev QHA jüzege asyrylǧan, äleumettık mäselelerdı şeşuge baǧyttalǧan jobalarǧa toqtaldy.
– Ötken jyldan berı öŋırde «Jomart jan» qaiyrymdylyq ortalyǧy jūmys ıstep keledı. «Qaiyrymdylyq keruenı» jäne «Mektepke jol» qaiyrymdylyq aksiialary aiasynda oblysta az qamtylǧan jäne köp balaly 7 myŋnan astam otbasyǧa 30 mln. teŋgege kömek körsetıldı. Al Qaratal audanynda ötken jyldyŋ qazan aiynan bastap koreialyq etnomädeni ortalyǧynyŋ, koreiler oblystyq qauymdastyǧynyŋ jäne «Diaspora mūrasy» respublikalyq qorynyŋ qoldauymen 70 tūrǧyn üidı tabiǧi gazǧa tegın qosyldy. Onda az qamtylǧan otbasylar, qarttar men jalǧyzbasty analar tūrady. Isker äielder keŋesımen jäne mesenattarmen bırlesıp oblystyq «Ainalaiyn» balalar üiınıŋ tärbielenuşılerın, qiyn ömırlık jaǧdaiǧa tap bolǧan Analar üiındegı, daǧdarys ortalyqtaryndaǧy äielderdı qamqorlyqqa alu boiynşa jüielı jūmys jürgızılude. Ekınşı düniejüzılık soǧysyna qatysqan ardagerler men tyl eŋbekkerlerıne tūraqty türde kömek körsetıledı. Mūndai jūmys Assambleia öŋırdıŋ tūrǧyndaryna qoldau körsete otyryp, bırlık pen kelısımdı nyǧaituǧa sözben emes, ıspen üles qosatynyn körsetedı, – dedı aimaq basşysy.
Keŋes otyrysynda söz söilegen Jetısu universitetınıŋ rektory Ermek Bürıbaev, oblystyq Qazaqstan halqy Assambleiasynyŋ qoǧamdyq orynbasary, «Oblystyq orys ortalyǧynyŋ» töraiymy Larisa Kotelnikova jäne Assambleianyŋ jastar qanatynyŋ ökılderı Ekaterina Podgornova men Molutjan Tohtahunov atqarylǧan jūmystar turaly aityp, QHA-nyŋ 30 jyldyǧy aiasynda josparlanǧan ıs-şaralardy jan-jaqty talqylady. Atap aitqanda, «Assambleia jastary» Taldyqorǧan qalasyndaǧy Tıl saraiynyŋ janyndaǧy köpqabatty üilerdıŋ qabyrǧasyna mereitoilyq dataǧa arnalǧan qabyrǧa suretınıŋ eskizın daiyndap, 30 jyldyq aiasynda tüsırıletın körkem filmnıŋ tüsırılımı jäne tarihi kıtap basyp şyǧaru jūmystary jürgızılude. Būl rette oblystyŋ QHA müşelerı men etnomädeni bırlestıkterı osy üderısterdıŋ barlyǧyna belsene atsalysuda.
Jiyndy qorytyndylaǧan oblys äkımı Beibıt İsabaev oblystyq Assambleia men jergılıktı atqaruşy organdardyŋ tyǧyz yntymaqtastyǧy köptegen maŋyzdy mındettı şeşuge mümkındık berıp otyrǧanyn aita kele, öŋırdıŋ äleumettık-ekonomikalyq damuynyŋ negızgı baǧyttaryna qysqaşa toqtaldy.
– Jetısu öŋırı qūrylǧaly berı öŋırdı gazdandyru, tūrǧyn üi, mektep, densaulyq saqtau nysany, veterinarlyq stansy salu, jalpy infraqūrylymdy damytu mäselelerınde aitarlyqtai jetıstıkterge qol jetkızıldı. Qazır aldymyzda qarjylandyru közderı anyqtalǧan aimaqtyŋ aldaǧy 2-3 jylǧa arnalǧan äleumettık-ekonomikalyq damuynyŋ naqty jospary bar. Memleket basşysy atap körsetkendei, halyqtyŋ nazaryn ūzaq merzımdı josparlardan qaraǧanda naqty mäselelerdı şeşuge baǧyttauymyz qajet. Qazaqstan halqy Assambleiasy qyzmet etken jyldar ışınde qoǧamdyq kelısımdı, bırlık pen tūraqtylyqty saqtau mäselelerınde ǧana emes, äleumettık maŋyzy bar mäselelerdı şeşude de özınıŋ tiımdılıgın aiqyn körsetetın ömırlık maŋyzdy institutqa ainaldy. Qazaqstan halqy Assambleiasynyŋ HHHIV sessiiasyna belsendı qatysu arqyly oblystyq Qazaqstan halqy assambleiasy men oblystaǧy etnomädeni ortalyqtardyŋ ökılderı aldaǧy uaqytta da öŋırdıŋ damuyna eleulı üles qosatynyna senımdımın, – dedı aimaq B. İsabaev.
Jiyn soŋynda etnomädeni ortalyqtardyŋ bır top ökılıne, qoǧam qairatkerlerıne, eŋbek ardagerlerıne, jas köşbasşylarǧa «Qazaqstan halqy Assambleiasyna 30 jyl» merekelık medaldary tabys etıldı.
