Aqmola oblysy Qazaqstannyŋ soltüstık öŋırlerı arasynda köktemgı egıs jūmystaryn alǧaş bolyp tolyq aiaqtady. Biylǧy nauqan öŋır agrarşylary üşın tek uaqytpen jarys emes, auyl şaruaşylyǧyn jaŋǧyrtuǧa baǧyttalǧan maŋyzdy kezeŋge ainaldy. Egıs alqaptaryn ärtaraptandyru, sifrlyq tehnologiialardy engızu jäne qarjylandyru tetıkterın tiımdı paidalanu nätijesınde köktemgı dala jūmystary belgılengen merzımnen keşıkpei aiaqtaldy.
Oblystyq auyl şaruaşylyǧy basqarmasynyŋ mälımetınşe, biylǧy mausym naqty josparlau men zamanaui tehnologiialardy keŋınen qoldanu arqyly erekşelendı. Öŋırde dästürlı täsılderden bırtındep bas tartyp, sifrlyq baqylau jüielerıne basymdyq berılude.
Egıs jūmystarynyŋ tabysty ötuıne memlekettık qoldau şaralary da serpın berdı. «Keŋ Dala – 2» baǧdarlamasy aiasynda 840 auyl şaruaşylyǧy qūrylymy 122 milliard teŋge kölemınde jeŋıldetılgen nesie aldy. Sonymen qatar şarualar jeŋıldetılgen lizing baǧdarlamalary arqyly 34,3 milliard teŋge tartyp, 610 bırlık jaŋa auyl şaruaşylyǧy tehnikasyn satyp aluǧa mümkındık aldy.
Būdan bölek, Azyq-tülık korporasiiasynyŋ forvardtyq satyp alu baǧdarlamasy boiynşa 55 ötınım maqūldandy. Al tıkelei subsidiialar kölemınıŋ 88 paiyzy şaruaşylyqtarǧa uaqytyly tölenıp, egıs nauqany kezınde ainalym qarajatynyŋ tapşylyǧyn boldyrmauǧa yqpal ettı.
Öŋırdıŋ agrarlyq äleuetın eksport kölemı de aiqyndai tüsude. Jyl basynan berı Aqmola oblysynyŋ elevatorlary syrtqy naryqtarǧa 1,9 million tonna astyq jönelttı.
Soŋǧy jyldary sifrlandyru auyl şaruaşylyǧyndaǧy negızgı trendterdıŋ bırıne ainaldy. Äsırese sifrlyq şeşımderdı engızgen şaruaşylyqtar öndırıstıŋ tiımdılıgın arttyryp, şyǧyndardy azaituǧa qol jetkızıp otyr. Zerendı audanyndaǧy ırı agroqūrylymdardyŋ bırı būl baǧytta segız jyldan berı jūmys ıstep keledı.
Käsıporyn direktory Denis Şvaibovichtıŋ aituynşa, bügınde öndırıstık prosesterdıŋ şamamen 90 paiyzy sifrlyq formatqa köşırılgen.
«Bügınde öndırıstık prosesterdıŋ şamamen 90 paiyzy sifrlandyrylǧan. Būl egıs nauqanynan bastap önım jinauǧa deiıngı barlyq kezeŋderdegı jūmystyŋ tiımdılıgın arttyruǧa mümkındık beredı. Sifrlyq tehnologiialardyŋ arqasynda eŋbek önımdılıgı ösıp, är gektardan alynatyn önım kölemı orta eseppen 3–4 sentnerge artady. Sonymen qatar janar-jaǧarmaiǧa, tūqymǧa jäne basqa da materialdyq resurstarǧa jūmsalatyn şyǧyndardy oŋtailandyruǧa mümkındık beredı. Qazırgı taŋda jauyn-şaşyn mölşerı qolaily deŋgeide qalyptasyp otyr, barlyq derlık daqyldar boiynşa kökteu baiqalady. Sondyqtan byltyrǧy deŋgeiden tömen emes önım alamyz dep josparlap otyrmyz», – dedı ol.
Biyl oblystaǧy jalpy egıs alqaby 5,6 million gektardy qūrady. Sonymen qatar auyl şaruaşylyǧynda naryq talabyna sai qūrylymdyq özgerıster baiqalady. Dändı jäne dändı-būrşaqty daqyldardyŋ kölemı 4,5 million gektar deŋgeiınde saqtalsa, maily daqyldardyŋ egıs kölemı 715,2 myŋ gektarǧa deiın ūlǧaityldy.
Mal azyqtyq daqyldarǧa 370,7 myŋ gektar jer bölınse, kökönıs daqyldary 10 myŋ gektardan astam alqapqa egıldı.
Öŋırde auyl şaruaşylyǧy önımderın tereŋ öŋdeuge de erekşe nazar audarylyp otyr. Osy maqsatta Arşaly audanynda astyqty tereŋ öŋdeitın ırı zauyt saluǧa daiyndyq bastaldy. Joba ıske qosylǧan jaǧdaida öŋırde joǧary qosylǧan qūny bar önım öndırılıp, jaŋa jūmys oryndary aşylady.
Alǧaşqy kezeŋde käsıporynda myŋ adam jūmyspen qamtylsa, joba tolyq quatyna şyqqan kezde būl körsetkış üş myŋ adamǧa deiın jetedı dep josparlanuda.
