Ükımet Astanadaǧy Ūlttyq panteonǧa jerleu qaǧidalaryn özgerttı. Jerleuge qūqyǧy bar tūlǧalar tızımıne vise-prezident, Qūryltai töraǧasy jäne Qazaqstan halyq keŋesınıŋ töraǧasy siiaqty jaŋa memlekettık lauazymdar engızıldı, dep habarlaidy «Adyrna» tılşısı.
2026 jylǧy 4 qaraşadaǧy №981 Ükımet qaulysymen Ūlttyq panteon turaly erejege özgerıster engızılgen.
Jaŋa erejege säikes, Ūlttyq panteonǧa myna tūlǧalar jerlenedı:
Qazaqstannyŋ vise-prezidentterı, premer-ministrlerı jäne olardyŋ orynbasarlary;
Qūryltai töraǧalary jäne olardyŋ orynbasarlary;
Qazaqstan Halyq Keŋesınıŋ töraǧalary jäne olardyŋ orynbasarlary;
Parlamentı palatalarynyŋ töraǧalary men olardyŋ orynbasarlary;
Memlekettık hatşylar, memlekettık keŋesşıler;
Prezidentı äkımşılıgınıŋ basşylary;
Konstitusiialyq Keŋestıŋ, Konstitusiialyq sottyŋ, Joǧarǧy sottyŋ jäne Ūlttyq banktıŋ töraǧalary;
Qauıpsızdık Keŋesı töraǧasynyŋ orynbasarlary;
Ministrler, prezidentke tıkelei baǧynatyn jäne esep beretın memlekettık organdardyŋ basşylary;
Elordanyŋ, oblystardyŋ jäne respublikalyq maŋyzy bar qalalardyŋ äkımderı;
Prezidenttıŋ arnaiy şeşımı boiynşa basqa da Qazaqstannyŋ azamattary.
Memlekettık qyzmetkerlerden bölek, qoldanystaǧy erejege säikes, Ūlttyq panteonǧa Qazaqstan prezidentterı men olardyŋ otbasy müşelerı, «Halyq qaharmany», «Qazaqstannyŋ Eŋbek Erı» ataqtarynyŋ iegerlerı, Keŋes Odaǧynyŋ Batyrlary jäne Sosialistık Eŋbek Erlerı jerlenuı mümkın.
Sondai-aq tızımge jekelegen memlekettık ordenderdıŋ iegerlerı men «Qazaqstannyŋ ǧaryşker-ūşqyşy» qūrmettı ataǧyn alǧan azamattar kıredı.
Negızgı özgerıs Ūlttyq panteonǧa jerlenuge qūqyǧy bar memlekettık lauazymdar tızımınıŋ keŋeiuıne bailanysty bolǧan. Būǧan deiıngı erejede vise-prezident, Qūryltai töraǧasy, Qazaqstan halyq keŋesınıŋ töraǧasy jäne Qauıpsızdık keŋesı töraǧasynyŋ orynbasary lauazymdary körsetılmegen bolatyn.
