Qazaqstanda qandastar men qonys audaruşylardy qabyldauǧa arnalǧan Migration.enbek.kz portaly qyzmet etude, dep habarlaidy "Adyrna" ūlttyq portaly.
QR eŋbek jäne halyqty äleumettık qorǧau ministrlıgınıŋ mälımetınşe, 2025 jyly portal arqyly 18 639 ötınış öŋdelgen. Al tırkelgen paidalanuşylardyŋ jalpy sany 18 303 adamdy qūraidy.
Ministrlık deregınşe, portal arqyly eŋ köp sūranysqa ie qyzmetter qatarynda etnikalyq qazaq märtebesın alu, ışkı qonys audaru, jūmyspen qamtu jäne äleumettık qoldau mäselelerı bar.
Sonymen qatar, «Qandas» märtebesın beru boiynşa 6 928 ötınış tüsıp, onyŋ 3 859-y maqūldanǧan. Al eŋbek şartyna qol qoiu nietı turaly kelısım – 5 508 ötınış tüsse, qonys audarudyŋ öŋırlık kvotasy boiynşa 1 856 adam ötınış bergen.
Al 1330 adam köşuge arnalǧan subsidiia töleu boiynşa ötınım bergen.
Vedomstvo ökılderı portaldyŋ zamanaui sifrlyq şeşımder arqyly memlekettık organdar men azamattar arasyndaǧy özara bailanysty jeŋıldetıp, şeteldık jūmys küşın tartuǧa baǧyttalǧan biznes-üderısterdı de ıske asyryp otyrǧanyn atap öttı.
