Qazaqstan Respublikasy Prezidentınıŋ janyndaǧy Ūlttyq ǧylym akademiiasy men Qazaq ūlttyq qyzdar pedagogikalyq universitetı Memleket basşysy Qasym-Jomart Toqaevtyŋ Qazaqstan halqyna arnaǧan «Jaŋa tarihi kezeŋdegı Qazaqstannyŋ özektı mındetterı» atty Joldauyn talqylauǧa arnalǧan kezdesu ötkızdı. Kezdesudıŋ taqyryby – «Joldaudyŋ basymdyqtary: ūlttyq memlekettılık jäne qūqyqtyq sana».
Is-şaraǧa ǧylymi qauymdastyq ökılderı, universitettıŋ professor-oqytuşylar qūramy, Almaty qalasy äkımdıgınıŋ ökılderı jäne QyzPU Studenttık Qūryltaiynyŋ müşelerı qatysty.
Kezdesu barysynda Qazaq ūlttyq qyzdar pedagogikalyq universitetınıŋ Basqarma töraǧasy – Rektory Beibıtgül Kärımova Joldauda belgılengen mındetterdı jüzege asyru akademiialyq qauymdastyq pen memlekettık instituttardyŋ küş-jıgerın bırıktırudı talap etetının atap öttı. Ol ūlttyq memlekettılıktıŋ tarihi negızderın zertteu, zaŋ üstemdıgın nyǧaitu jäne jastardyŋ qūqyqtyq mädenietın qalyptastyru baǧytyndaǧy bırlesken jūmystyŋ maŋyzdylyǧyna erekşe toqtaldy.
Prezident Joldauynda elımızdıŋ äleumettık-ekonomikalyq damuyna, halyqtyŋ äl-auqatyn arttyruǧa, sifrlyq ekonomikany qalyptastyruǧa jäne infraqūrylymdy jaŋǧyrtuǧa baǧyttalǧan bırqatar basym mındetter aiqyndalǧan.
Memleket basşysy 2027 jyldy «Jalpyhalyqtyq auqymdy qūrylys jyly» dep jariialaudy ūsynyp, eŋ tömengı jalaqy mölşerın 85 myŋ teŋgeden 110 myŋ teŋgege deiın arttyrudy tapsyrdy.
Sonymen qatar, auyl şaruaşylyǧy önımderın tereŋ öŋdeudı damytuǧa, agrarlyq sektorǧa jasandy intellekt tehnologiialaryn engızuge jäne su resurstaryn ūtymdy paidalanuǧa erekşe nazar audaryldy.
Prezident bılım beru salasyndaǧy reformalar mūǧalımderdıŋ jūmysyn jeŋıldetuge jäne olardyŋ şamadan tys jüktemesın azaituǧa baǧyttaluy tiıs ekenın atap öttı.
Būdan bölek, Joldauda şaǧyn jäne mikrobiznes subektılerın tekseruge üş jyldyq moratorii engızu mümkındıgın qarastyru, salyq zaŋnamasyna özgerıster äzırleu, jaŋa Azamattyq kodekstı qabyldau jäne memlekettık kömektı şyn mänınde mūqtaj azamattarǧa atauly türde körsetu mäselelerı qozǧaldy.
Joldauda belgılengen mındetterdı talqylau barysynda Ūlttyq ǧylym akademiiasynyŋ, ǧylymi-zertteu instituttarynyŋ, Almaty qalasy äkımdıgınıŋ ökılderı men ǧalymdar ūlttyq memlekettılık, Qūryltai institutynyŋ tarihi maŋyzy, zaŋ üstemdıgı jäne qoǧamdyq dialog mäselelerı boiynşa pıkır almasty.
Kezdesu aiasynda memleket jäne qoǧam qairatkerı Omarhan Öksıkbaev pen türkıtanuşy ǧalym Zaripbai Orazbaidyŋ avtorlyǧymen jaryq körgen «Qūryltai fenomenı» kıtabynyŋ tanystyrylymy öttı.
Sondai-aq zaŋger, PhD doktory Baqytjan Saparovtyŋ «Konstitusiia saqşylary» atty tanymdyq komiksı köpşılık nazaryna ūsynyldy.
