Resei ükımetı Memlekettık Dumaǧa «Halyqaralyq damuǧa järdemdesu turaly» arnaiy zaŋ jobasyn ūsyndy. Būl turaly «Nezavisimaia gazeta» basylymy jazdy, dep habarlaidy «Adyrna» tılşısı.
Onyŋ maqsaty – memlekettık saiasat pen memlekettık retteudıŋ jeke bır baǧytyn qalyptastyru. Zaŋ jobasy jekelegen tüzetuler jiyntyǧy emes, tūtas qūjat retınde äzırlengen. Sondyqtan onda közdelgen jaŋa baǧyttyŋ mazmūny aiqyn körınedı. Syrtqy saiasat vedomstvosy jalpy basşylyqty öz qūzyretınde qaldyrsa, «jūmsaq küş» saiasatyn jüzege asyru Rossotrudnichestvo mındetıne ainalady.
«Al būl saiasattyŋ mazmūnyna kelsek, būrynnan belgılı täsılderdıŋ arasynan jaŋasyn ızdeudıŋ ornyna, keŋestık kezeŋdegı atyşuly «halyqtyq diplomatiia» ülgısıne qaita oralu turaly şeşım qabyldanǧan syŋaily. Kezınde onyŋ san türlı tetıkterı memlekettık qazyna esebınen qarjylandyrylǧan edı»,– delıngen habarlamada.
Zaŋ jobasyna berılgen tüsındırme jazbada tiıstı memlekettık saiasattyŋ tūjyrymdamasy Resei prezidentınıŋ 2014 jylǧy jarlyǧymen bekıtılgenı naqtylanǧan. Al 2023 jyldyŋ nauryzynda oǧan eleulı özgerıster engızılgen. Sol qūjatta būl baǧdarlamanyŋ 2022 jyldyŋ qaŋtarynan bastap jüzege asyrylyp kele jatqany aitylady.
«Resei strategiialyq tūraqtylyqty saqtau, sondai-aq qazırgı älemdegı yqpaldy ortalyqtardyŋ bırı retındegı eldıŋ pozisiiasyn nyǧaitu jäne tartymdylyǧyn arttyru üşın qolaily jaǧdailar jasau maqsatynda halyqaralyq damuǧa järdemdesu salasynda belsendı ärı maqsatty saiasat jürgızıp keledı», – delıngen qūjatta.
Būdan ärı atalǧan baǧytta qandai mäseleler tuyndaǧany tüsındırıledı. Atap aitqanda, halyqaralyq damuǧa järdemdesu jeke sala retınde bölınbegendıkten, būl baǧytta jūmys ısteitın türlı memlekettık organdar men qūrylymdardyŋ qyzmetın naqty ajyratu qiynǧa soǧyp otyr. Sonyŋ saldarynan olardyŋ jūmysynyŋ tiımdılıgın taldau jäne «jalpy Reseidıŋ halyqaralyq damuǧa järdemdesu jönındegı qyzmetın üilestıru» kürdelengen.
Zaŋ jobasynda halyqaralyq damuǧa järdemdesudıŋ 16 mındetı körsetılgen. Olardyŋ arasynda qazırgı kezeŋ üşın özektı mäseleler de bar. Mäselen, «körşıles memlekettermen tatu körşılık qarym-qatynas ornatu, olardyŋ aumaǧyndaǧy şielenıs oşaqtary men qaqtyǧystardy joiuǧa, sondai-aq bıtımgerlık şaralaryn jüzege asyru arqyly osyndai jaǧdailardyŋ aldyn aluǧa järdemdesu» mındetı qamtylǧan.
Aita keterlıgı, TMD elderı men Euraziialyq ekonomikalyq qoǧamdastyq aiasyndaǧy ekonomikalyq integrasiiany tereŋdetu turaly tūjyrym tek mındetter tızımınde ǧana kezdesedı. Al halyqaralyq damuǧa järdemdesu salasyndaǧy memlekettık saiasat serıktes memleketterdı jäne olardyŋ belgılı bır memlekettık baǧytty ūstanu qūqyǧyn qūrmetteu qaǧidattaryna negızdelmek.
