Respublika künıne jäne Täuelsızdıktıŋ 35 jyldyǧyna orai Jetısu oblysynyŋ är tükpırındegı 43 tu tūǧyrynda Memlekettık Tu köterıldı. Is-şaralar qazaqstandyq patriotizmdı, jalpyūlttyq bırlıktı jäne azamattyq bıregeilıktı nyǧaituǧa baǧyttalǧan.
Taldyqorǧan qalasynda «Qyran elım – Qazaqstan» atty Memlekettık Tudy saltanatty köteru räsımı «Jastar» saiabaǧyndaǧy ortalyq tu tūǧyrynyŋ janynda öttı. Is-şaraǧa oblys jäne qala basşylyǧy, ardagerler, ziialy qauym ökılderı, qūqyq qorǧau organdarynyŋ qyzmetkerlerı, äskeri qyzmetşıler, jastar men qala tūrǧyndary qatysty. Jalpy, saltanatty şaraǧa myŋǧa juyq adam jinaldy.
Qala tūrǧyndary jerlesterın Respublika künımen qūttyqtady:
– 25 qazanda bükıl elımız bolyp Respublika künın atap ötemız. Bügın otbasymyzben bırge Memlekettık Tudy saltanatty türde köteru räsımıne qatystyq. Būl jürekke erekşe äser syilap, elıŋe, halqyŋa degen maqtanyş pen quanyş sezımın ūialatatyn taǧylymdy sät boldy.
– Barşaŋyzdy Respublika künımen şyn jürekten qūttyqtaimyn! Elımız üşın maŋyzdy būl ūlttyq mereke täuelsızdıgımızdı nyǧaituǧa, bırlık pen kelısımdı bekemdeuge ülken yqpal etedı. Bız, jastar, elımızdıŋ odan ärı damyp, örkendeuı üşın bar küş-jıgerımızdı salamyz.
– Taldyqorǧan tūrǧyndarymen qosa barşa jerlesterımdı osy aituly merekemen qūttyqtaimyn. Elımızde ärdaiym beibıtşılık pen bereke-bırlık ornasyn. Kök Tuymyz ärdaiym biıkte jelbırei bersın!
Osy künı Köksu jäne Sarqan audandaryndaǧy jaŋadan ornatylǧan 3 tu tūǧyrymen qosa 42 eldı mekendegı tu tūǧyrlarynda taǧy 42 Memlekettık Tu köterıldı.
Atap ötsek, biyl öŋırde Memlekettık rämızder künıne jäne Täuelsızdıktıŋ 35 jyldyǧyna orai «35 auyl – 35 Tūǧyr» aksiiasy aiasynda tu tūǧyrlary ornatylǧan bolatyn.
