Almatyda studentterge arnalǧan jataqhanalar sanyn köbeitu maqsatynda investorlardy jaŋa qūrylys jäne qaita jaŋǧyrtu jobalaryna qatysuǧa şaqyryp jatyr, dep habarlaidy "Adyrna" tılşısı.
Būl jūmys memlekettık subsidiialau baǧdarlamasy aiasynda jüzege asady. Bastamanyŋ negızgı maqsaty – qaladaǧy studentterdı zamanaui, jaily ärı qoljetımdı tūrǧyn üimen qamtamasyz etu.
Baǧdarlama boiynşa investorlar jaŋa jataqhana sala alady nemese qoldanystaǧy ǧimarattardy studenttık tūrǧyn üige beiımdei alady. Joba biznes ökılderı üşın de tiımdı tetıkterdı qarastyrady. Atap aitqanda, studentterdıŋ tūru aqysy esebınen tūraqty tabys tabuǧa, jataqhana aumaǧyndaǧy kommersiialyq keŋıstıkterdı paidalanuǧa, banktık nesie boiynşa subsidiia aluǧa jäne jer telımderın räsımdeuge mümkındık bar.
Sonymen qatar investorlarǧa qūjattardy räsımdeu kezınde tegın zaŋgerlık keŋes berılıp, tolyq süiemeldeu körsetıledı.
Almaty qalasynda studenttık jataqhanalar sanyn arttyru üşın qūrylǧan jobalyq keŋse memlekettık baǧdarlamanyŋ ıske asyryluyn üilestırıp keledı. Qazırgı uaqytta jobaǧa 120-dan astam investor qyzyǧuşylyq tanytqan. Būl studenttık infraqūrylymdy damytuǧa biznes qauymdastyq tarapynan sūranys joǧary ekenın körsetedı.
