Túrksib aýdanynda jol ınfraqulymyn jaqsartý jumystary jalǵasyp jatyr. Oǵan dálel, turǵyndardyń qaýipsizdigi men jaılylyǵy úshin 9 kóshege 7 km trotýar salynýy. Bul týraly qala ákimi Erbolat Dosaev aýdan halqymen kezdesýinde málimdedi, dep habarlaıdy " Adyrna" tilshisi.
Qala ákiminiń aıtýynsha, aýdan turǵyndarynyń ótinishi boıynsha №13 avtobýs marshrýty Spasskaıa kóshesindegi 77 úıge deıin jáne №215 avtobýs marshrýty Shýaqty shaǵynaýdanyna deıin uzartyldy.
Sondaı-aq, Qaırat shaǵynaýdanyna kirip-shyǵý arqyly №138 avtobýs marshrýtynyń shemasy ózgertildi.
"Joldaǵy qaýipsizdikti qamtamasyz etý maqsatynda Súıinbaı dańǵylyna 4 retteletin jaıaý júrginshiler ótkeli ornatyldy. Turǵyndardyń ótinishi boıynsha 70-razezdegi baǵdarsham aýystyryldy", - dedi ákim.
Bıylǵy jyldyń jeltoqsan aıynda Rysqulov dańǵyly «Parasat» turǵyn kesheni janyndaǵy jáne Erjanov kóshesinen Shatskıı kóshesine temirjol arqyly ótetin 2 jer ústi ótkelin jobalaý aıaqtalady. Qurylys 2023 jylǵy mamyrda bastalady.
Erbolat Dosaevtyń aıtýynsha, Súıinbaı dańǵyly men Maılın kóshesindegi jaıaý júrginshilerdiń jer ústi ótkelderindegi kótergish qurylǵylaryn qalpyna keltirý úshin bıýdjetten qosymsha qarajat bólindi. Jumystar osy jyldyń qarasha aıynyń sońynda aıaqtalady.
