Qazaqstan Prezident Qasym-Jomart Toqaev Qyrǧyzstan Prezidentı Sadyr Japarovty ekı el arasyndaǧy Odaqtastyq qatynastar turaly şartqa qol qoiylǧanyna 20 jyl toluymen qūttyqtady. Būl turaly Aqorda jariialady, dep habarlaidy “Adyrna” ūlttyq portaly.
«2003 jylǧy şart qazaq-qyrǧyz qatynastarynyŋ damuynda jaŋa kezeŋnıŋ bastalǧanyn bıldıredı. Bızdıŋ köpjaqty memleketaralyq bailanystarymyzdy tiımdı ılgerıletu üşın berık şarttyq-qūqyqtyq negız qalandy. Barlyq deŋgeidegı belsendı saiasi dialog, sauda-ekonomikalyq jäne mädeni-gumanitarlyq salalardaǧy yntymaqtastyqtyŋ qarqyndy damuy, sondai-aq ekı eldıŋ halyqaralyq arenadaǧy tyǧyz yqpaldastyǧy – sonyŋ aiqyn dälelı», – dep jazylǧan jedelhatta.
Qasym-Jomart Toqaev bırlesken küş-jıgerdıŋ arqasynda Qazaqstan men Qyrǧyzstan arasyndaǧy strategiialyq serıktestık pen odaqtastyq qatynastar odan ärı nyǧaiyp, ekıjaqty yqpaldastyqtyŋ orasan zor äleuetı bauyrlas halyqtardyŋ igılıgı üşın qyzmet ete beretınıne senım bıldırdı.
Ūqsas jaŋalyqtar
