Jetısu oblysy Kerbūlaq audanynyŋ tūrǧyndary sapaly medisinalyq kömekke qol jetkızu mümkındıgıne ie boldy. Endı qajettı tekserulerden ötıp, em-domdy audan aumaǧynda aluǧa bolady. Respublika künı qarsaŋynda Saryözek auylynda kürdelı jöndeu jūmystary jürgızılıp, seismikalyq küşeituden ötken ortalyq audandyq auruhana aşyldy. Jalpy, soŋǧy üş jylda audannyŋ auyldyq eldı mekenderınde 19 jaŋa densaulyq saqtau nysany salynyp, paidalanuǧa berıldı, - dep habarlaidy Jetısu oblysy äkımınıŋ baspasöz qyzmetı.
Kerbūlaq audandyq ortalyq auruhanasynyŋ stasionarlyq bölımı 1986 jyly salynǧan. Ǧimarat paidalanuǧa berılgennen berı kürdelı jöndeu jürgızılmegen. Jürgızılgen jūmystar stasionarlyq medisinalyq kömek körsetu jaǧdailaryn jaqsartuǧa, pasientter men medisina qyzmetkerlerı üşın qolaily orta qalyptastyruǧa, sondai-aq mekemenıŋ materialdyq-tehnikalyq bazasyn nyǧaituǧa mümkındık beredı. Jaŋartylǧan ǧimarat 120 tösek-orynǧa arnalǧan.
- Bızdıŋ auruhana - audan tūrǧyndaryna alǧaşqy medisinalyq-sanitariialyq jäne mamandandyrylǧan medisinalyq kömek körsetetın köpbeiındı medisinalyq ūiym. Mūnda terapiialyq, hirurgiialyq jäne travmatologiialyq kömek körsetıledı. Auruhana qūrylymyna perzenthana, pediatriia, infeksiialyq jäne basqa da bölımşelermen qatar, diagnostika jäne reanimasiia bölımderı kıredı, - dedı Kerbūlaq audandyq auruhanasynyŋ direktory Janeta Nūrmanbetova.
Audandyq ortalyq auruhanany jaŋǧyrtudyŋ basty igılıkterınıŋ bırı – mūnda medisinalyq jabdyqtar jaŋartyldy.
Mekemede kadr mäselesıne de erekşe köŋıl bölıngen.
Mūnda 83 bırlık medisinalyq tehnika, sondai-aq 601 dana jihaz ben tösek-oryn jabdyqtary satyp alyndy. Qazırgı uaqytta auruhanada kompiuterlık tomograf, rentgen, mammograf jäne ultradybystyq zertteu (UZİ) apparattary tolyqqandy jūmys ıstep tūr. Osylaişa audan tūrǧyndaryna zamanaui diagnostikalyq qyzmet körsetıledı. Būl - öŋır halqynyŋ ömır süru sapasyn arttyruǧa baǧyttalǧan jüielı jūmystyŋ nätijesı.
Mekemede kadr mäselesıne de erekşe köŋıl bölıngen. Kadrlyq äleuettı nyǧaitu maqsatynda 2024 jyldan berı audanǧa 14 därıger jūmysqa keldı.
- Men audandyq auruhanada jas mamanmyn, endokrinolog därıger bolyp jūmys ısteimın. Maǧan 10 mln teŋge kölemınde bırjolǧy kötermeaqy berıldı, būl bızge - ülken qoldau. Sonymen qatar baspana mäselesı de şeşıldı. Mūndai memlekettık qoldau auyldyq jerlerdı bılıktı medisina mamandarymen qamtamasyz etuge mümkındık beredı dep oilaimyn. Endıgı menıŋ basty mındetım – özıme artylǧan senımdı aqtau. Öz tarapymnan pasientterge sapaly medisinalyq kömek körsetu üşın bar küşımdı salyp kelemın. Osy tūrǧydan alǧanda, auruhananyŋ jaŋartyluy da jūmysymyzǧa ülken qoldau bolyp otyr, - dedı Aidana Maratqyzy.
Jaŋartylǧan auruhana turaly jergılıktı tūrǧyndar pıkır bıldırdı. Solardyŋ qatarynda Saryözek auylynyŋ tūrǧyny Janat Ahmetova da bar:
– Menıŋ tört qyzymnyŋ törteuı de osy auruhanada düniege keldı. Ärine, soŋǧy jyldary auruhana ǧimaraty eskırıp, tozǧan bolatyn, sondyqtan kürdelı jöndeu jasaǧany jaqsy boldy. Auruhanamyz zamanaui keiıpke endı, jaŋa qūral-jabdyqtar äkelındı. Audanǧa därıgerler, jaŋa mamandar kelıp jatqanyna quanyştymyz. Jalpy alǧanda, mūnyŋ bärı tūrǧyndardyŋ densaulyǧyn jaqsartuǧa oŋ äser etedı dep senemıän, - dedı ol.
Būl pıkırge auyl tūrǧyny Slambai Toqabaev ta qosyldy:
- Auruhanamyz aşylǧaly berı, iaǧni osydan 40 jyldai uaqyt būryn salynǧannan berı kürdelı jöndeu jürgızılmegen. Mysaly, būryn stasionarǧa emdeluge kelgende ışı qaraŋǧy, bärı eskı bolatyn. Tıptı, keide jazylyp şyǧatynyŋa degen senım de azaiatyn. Qazır bärı özgerdı: ışı jaryq ärı jaily. Sonymen qatar barlyq qajettı medisinalyq jabdyqtar ornatylǧan. Būryn kompiuterlık tomografiiadan (KT) ötu üşın Taldyqorǧanǧa baruǧa tura keletın. Endı būl mäsele de şeşıldı. Būǧan qosa, memlekettık qoldaudyŋ arqasynda audanymyzǧa bılıktı därıgerler keldı, – dep oi bölıstı auyl tūrǧyny.
Kerbūlaq audandyq ortalyq auruhanasynyŋ jaŋartylyp, qoldanysqa berıluı audannyŋ densaulyq saqtau salasyn damytudaǧy maŋyzdy kezeŋ deuge bolady. Medisina mamandarynyŋ jūmysyna jäne pasientterdıŋ em aluyna zamanaui jaǧdai jasau medisinalyq qyzmet sapasyn arttyruǧa ärı tūrǧyndarǧa uaqytyly kömek körsetuge baǧyttalǧan.
Eske salsaq, būǧan deiın Aqsu audanyndaǧy ortalyq audandyq auruhana da kürdelı jöndeu men seismikalyq küşeitu jūmystarynan keiın paidalanuǧa berılgen bolatyn.
