Foto: videodan alynǧan
Jetısu oblysynda şaǧyn avtobus pen jük kölıgınıŋ qatysuymen jol-kölık oqiǧasy bolyp, ekı adam köz jūmdy. Taǧy on jolauşy türlı jaraqat alyp, medisinalyq mekemege jetkızıldı.Äleumettık jelılerde apat ornynan tüsırılgen video tarady, dep habarlaidy "Adyrna".
Oqiǧa 17 qazanda Kerbūlaq audanyndaǧy Arqarly asuy maŋynda bolǧan. Aldyn ala mälımet boiynşa, Mercedes-Benz Sprinter şaǧyn avtobusy men KamAZ jük kölıgı soqtyǧysqan.
Jetısu oblystyq polisiia departamentınıŋ mälımetınşe, jol apaty Almaty–Öskemen tasjolynyŋ 143-şaqyrymynda tırkelgen. Oŋtüstık baǧytta qozǧalyp kele jatqan şaǧyn avtobus jürgızuşısı aldyndaǧy baǧyttas KamAZ kölıgınıŋ tırkemesıne soǧylǧan.
Apat saldarynan ekı adam qaza tauyp, on adam auruhanaǧa jetkızıldı. Şaǧyn avtobus jürgızuşısı ūstalyp, uaqytşa ūstau izoliatoryna qamaldy.
Atalǧan derek boiynşa sotqa deiıngı tergeu bastalyp, oqiǧanyŋ män-jaiyn anyqtau üşın qajettı saraptamalar taǧaiyndaldy.
Polisiia ökılderı jürgızuşılerdı jol qozǧalysy erejelerın saqtauǧa, jyldamdyqty jol jaǧdaiyna sai taŋdauǧa, kölıkter arasyndaǧy qauıpsız araqaşyqtyqty ūstanuǧa jäne rölde mūqiiat boluǧa şaqyrdy.
