Almaty qalasyndaǵy mamandandyrylǵan halyqqa qyzmet kórsetý ortalyǵynda júrgizýshi kýáligin alý úshin tapsyrylatyn praktıkalyq emtıhan kezinde jol-kólik oqıǵasy oryn aldy, dep habarlaıdy "Adyrna" ulttyq portaly.
Bul týraly "Azamattarǵa arnalǵan úkimet" memlekettik korporaııasynyń baspasóz qyzmeti málimdedi.
"Almatydaǵy mamandandyrylǵan HQKO-da praktıkalyq emtıhan tapsyrý kezinde jol apaty boldy. Abyroı bolǵanda, zardap shekkender joq", – delingen habarlamada.
Mekemeniń málimetinshe, 2024 jyly elimiz boıynsha osyndaı 48 oqıǵa tirkelgen. Kandıdattar emtıhan kezinde jol belgilerin qaǵyp ketken, bordıýrden asyp ketken, qorshaýlarǵa soǵylǵan nemese basqa kóliktermen qaqtyǵysqan.
Mamandar júrgizýshi kýáligin alýǵa úmitkerlerdiń jol qozǵalysy erejelerin muqııat úırenip, avtokólikti basqarý mashyǵyn jetildirý qajettigin eskertedi. Tıisti mekemeler atalǵan jaǵdaılardy boldyrmaý úshin qosymsha sharalar qabyldaý qajettigin de atap ótti.
