Gonkong qalasynda Halyqaralyq at sporty federasiiasynyŋ (FEI) Bas assambleiasy aiaqtaldy. Būl — älemdık at sporty salasynyŋ damu baǧytyn aiqyndaityn şeşımder qabyldanatyn jyl saiynǧy jahandyq forum. Biyl Assambleia jūmysyna FEI-dıŋ 132 müşe elınıŋ ışınen 87 ūlttyq federasiianyŋ delegasiialary qatysty. Qazaqstan 1993 jyldan berı FEI müşesı bolyp tabylady jäne osy uaqyt boiy Assambleia jūmysyna tūraqty türde qatysyp keledı.
Halyqaralyq at sporty federasiiasy (FEI) 1921 jyly qūrylǧan jäne jüz jyldan astam uaqyt boiy at sportyna arnalǧan halyqaralyq erejeler men jarystar jüiesın qalyptastyryp keledı. Assambleianyŋ alǧaşqy künderınde Qazaqstan delegasiiasy konkur men atpen mänerlep jüru erejelerıne özgerıster engızu, Olimpiada oiyndaryna jäne 2026 jyly Aahen qalasynda ötetın FEI Älem chempionatyna ırıkteu formaty siiaqty mäselelerdı talqylauǧa qatysty. Sondai-aq sportşylardyŋ qauıpsızdıgı men jylqylardyŋ äl-auqaty, sifrlyq veterinariialyq pasportty engızu jäne aşyqtyq pen käsıbilıkke baǧyttalǧan FEI-dıŋ jaŋa basqaru ülgısı qaraldy. 12 jyl boiy ūiymdy basqarǧan FEI prezidentı İngmar de Vos ökılettıgın aiaqtap, Halyqaralyq olimpiadalyq komitettegı jaŋa qyzmetke auysady.
6–7 qaraşada plenarlyq otyrystar men dauys beruler öttı. Qazaqstan 2026 jyly FEI aiasynda üş halyqaralyq jarys ötkızu qūqyǧyn aldy: Düniejüzılık kubok kezeŋı, FEI World Cup Challenge finaly jäne Euraziialyq liga finaly. Būl qazaqstandyq sportşylarǧa alǧaş ret halyqaralyq reitingtık ūpailardy öz elınde jinauǧa mümkındık beredı, şeteldık jarystarǧa qatysu şyǧyndaryn azaitady jäne tūraqty halyqaralyq jarys täjıribesın qamtamasyz etedı.
Qazaqstan at sporty federasiiasy prezidentınıŋ keŋesşısı Sergei Buikevich öz sözınde:
«Düniejüzılık kubok kezeŋın, FEI World Cup Challenge finalyn jäne 2026 jyly Aahendegı FEI Älem chempionatyna ırıkteu turnirın ötkızu qūqyǧy — Qazaqstanda at sportynyŋ jüielı damuyna jasalǧan maŋyzdy qadam. Endı bızdıŋ sportşylar elden şyqpai-aq halyqaralyq reitingtık ūpai jinai alady. Jas şabandozdar üşın FEI World Cup Challenge älemdık finalyna qatysu mümkındıgı aşylady. Basty maqsatymyz — jarystardy joǧary deŋgeide ūiymdastyryp, osy mümkındıktı sportşylardy daiyndau üşın barynşa tiımdı paidalanu.»
Assambleia barysynda FEI prezidentı İngmar de Vos Qazaqstanda jarystar ötkızu federasiianyŋ halyqaralyq turnirler geografiiasyn keŋeitu jäne jaŋa elderdı jahandyq sporttyq küntızbege tartu maqsattaryna säikes keletının atap öttı, osylaişa būl bastamany qoldaitynyn bıldırdı.
Qazaqstan Assambleia barysynda jattyqtyruşylardy daiarlau jäne sportşylardy oqytu jüiesın jetıldıru boiynşa jobalardy tanystyrdy. FEI jäne Olympic Solidarity Coaching System baǧdarlamasyn engızu jäne sportşylardy halyqaralyq deŋgeide sertifikattau jönındegı pilottyq jobany qoldady.
Assambleia jūmysy Longines FEI Awards halyqaralyq marapattau räsımımen aiaqtaldy. Şara barysynda jyl qorytyndysy şyǧarylyp, sportşylardyŋ, jattyqtyruşylardyŋ, at kütuşılerdıŋ (groom) jäne jarys ūiymdastyruşylarynyŋ jetıstıkterı atap ötıldı.
