Reseidıŋ Omby qalasynda Qazaqstan azamaty ırı kölemdegı temekı önımderın zaŋsyz tasymaldady degen küdıkpen ūstaldy, dep habarlaidy “Adyrna”.
KTK arnasynyŋ mälımetınşe, tärkılengen tauardyŋ qūny şamamen 27 million teŋgege baǧalanǧan.
Tergeu mälımetınşe, temekı önımderı Pavlodar qalasynan jetkızılgen. Jolauşylar avtobusyn basqarǧan jürgızuşı jüktı jasyru üşın kölıktıŋ bagaj bölıgınde arnaiy oryn äzırlegen. Ol temekılerdı Pavlodarda aty-jönı anyqtalmaǧan adamdardan satyp alǧan.
Qūqyq qorǧau organdary küdıktını tauardy angarda tüsıru kezınde anyqtaǧan. Tıntu barysynda 37 myŋnan astam qorap temekı tärkılendı. Aldyn ala mälımet boiynşa, önımnıŋ jalpy qūny şamamen 27 million teŋgenı qūraidy.
Jauap alu kezınde jürgızuşı būl äreketke qarjylyq qiyndyqtarǧa bailanysty barǧanyn aityp, ökınış bıldırgen. Qazır oǧan üiqamaq türındegı būltartpau şarasy qoldanylǧan.
