AQSh pen Batys sankııasynyń qursaýynda qalǵan Reseı ózge memleketterden ishki reısterin uıymdastyrýǵa kómek surady, dep habarlaıdy “Adyrna” ulttyq portaly.
Reseılik áýe kompanııalarynyń ishki reısterge ushaǵy jetpeı jatyr. Osyǵan baılanysty Reseıdiń kólik mınıstri Roman Starovoıt Qazaqstannyń áýe kompanııalaryn Reseıdegi ishki reısterge tartý maqsatynda kelissóz júrip jatqanyn habarlady.
«Kabotajdyq tasymaldaýǵa ruqsat berýge ishki reısterdi oryndaıtyn ushaq tapshylyǵy sebep», – dep túsindirdi Starovoıt. Ol Qazaqstannan basqa memlekettermen de kelissóz júrgizilip jatqanyn aıtqan, degenimen qaı elder ekenin naqtylamaǵan.
Soǵysqa deıin reseılik áýe kompanııalardyń áýe parki 850 ushaqtan turǵan. Alaıda Oliver Wyman konsaltıng kompanııasy 2023 jyldyń basynda laınerler qatary 736-ǵa deıin qysqarǵanyn málimdegen.
Kompanııa boljamyna sáıkes Reseıge batystan ushaq pen qosalqy bólshekterdi jetkizýge tyıym salynýy sankııalar saldarynan eldegi ushaq sany 2026 jylǵa qaraı eki ese azaıýy múmkin.
