2025 jyldyń 1 qańtarynan bastap Qazaqstan resmı túrde BRIKS-ke seriktes memleket mártebesin alady. Bul týraly Reseı prezıdentiniń kómekshisi Iýrıı Ýshakov málimdedi, dep habarlaıdy “Adyrna” ulttyq portaly.
Aqparatqa sáıkes, Qazaqstanmen qatar taǵy segiz memleket BRIKS seriktesi bolýǵa shaqyrýdy qabyldady, onyń ishinde Belarýs, Indonezııa, Ózbekstan jáne Kýba bar.
QAZAQSTAN JALǴYZ EMES
Reseı prezıdentiniń kómekshisi Iýrıı Ýshakov 22-24 qazanda Qazan qalasynda ótken BRIKS sammıti mańyzdy sheshimderge qol jetkizgenin aıtady.
«Sammıttiń mańyzdy nátıjeleriniń biri BRIKS-ke seriktes elderiniń sanatyn belgileý jáne 13 memlekettiń tizimi týraly kelisim boldy. Bul memleketterge tıisti shaqyrýlar jiberildi. Búginge deıin BRIKS seriktes-memleketi bolýǵa daıyndyǵy týraly málimdemeler Belarýs, Bolıvııa, Indonezııa, Qazaqstan, Kýba, Malaızııa, Taıland, Ýganda jáne Ózbekstannan da tústi», - dedi Ýshakov jýrnalısterge.
Bul mártebe jańa seriktester ókilderiniń BRIKS sammıtteriniń jeke kezdesýlerine, syrtqy ister mınıstrleriniń kezdesýlerine, qaýipsizdik máselelerine jaýapty joǵary ókilderdiń kezdesýlerine jáne qaýymdastyqtyń basqa da is-sharalaryna qatysýyn qamtıdy.
Jaqyn arada osyndaı shaqyrýlar jiberilgen taǵy tórt elden jaýap kútilýde.
BRIKS JÁNE BERIK
Qazan aıynda Qazaq qalasyndaǵy BRIKS sammıti aldynda Qazaqstan Respýblıkasy Prezıdentiniń keńesshisi – baspasóz hatshysy Berik Ýálı osy toptan Astanaǵa shaqyrtý túskenin habarlaǵan. Onda Qazaqstannyń BRIKS qurylymyna kirý múmkindigin qarastyrý týraly usynys aıtylǵan.
«Qazannyń 23-24-i qazanda BRIKS sammıti ótedi. Bilýimizshe, prezıdent Qasym-Jomart Toqaev bul forýmǵa qazir osy birlestikti basqaryp otyrǵan Vladımır Pýtınniń qonaǵy retinde shaqyrylǵan. Prezıdenttiń josparynda BRIKS sammıtine qatysý bar. Ol sonda 24 qazanda uıymnyń aýtrıch formatyndaǵy keńeıtilgen otyrysynda sóz sóıleýdi josparlap otyr», - degen edi Berik Ýálı BRIKS sammıti qarsańynda.
Sonda Berik Ýálı "Qazaqstan BRIKS uıymynyń damýyn muqııat baqylap otyr jáne onyń negizin qalaýshy memleketterdiń kez kelgen iri derjavalardyń gegemonııasynan azat, ádil jáne demokratııalyq álemdik tártip qurýǵa shaqyrýlaryn qoldaıdy,"- dep málimdegen.
Odan da qyzyǵy mynaý.
Qazaqstan Prezıdentiniń keńesshisi - baspasóz hatshysy Berik Ýálı "Qazirgi tańda jáne jaqyn bolashaqta Qazaqstan BRIKS-ke múshelikke ótinish bermeıdi. Bul sheshim uıymnyń damý perspektıvalary men kóp satyly proesin eskere otyryp qabyldanǵan,"- degen.
