Qazaqstanda jańa Konstıtýııa qabyldaý qajet. Bul týraly zań ǵylymdarynyń kandıdaty, PhD Almas Jumaǵalı elimizdiń quqyqtyq júıesin jetildirýge qatysty ótken jıynda aıtty, dep habarlaıdy “Adyrna” ulttyq portaly.
Dóńgelek ústelge qatysýshylar memlekettik bılik mehanızminde Konstıtýııalyq Sotty qurý bıliktiń bóliný prınıpine, konstıtýııalyq proestiń úzdiksizdigi men qaıtymsyzdyǵyna, memlekettik organdardyń qoǵam men halyq aldyndaǵy jaýapkershilik alatynyna kepildik beretinin aıtty. Sondaı-aq azamattar men basqa da quqyq sýbektilerine quqyqtary buzylǵan jaǵdaıda tikeleı qorǵaýǵa múmkindik beretinin jetkizdi.
Zańger Almas Jumaǵalıdyń aıtýynsha, Qazaqstan Respýblıkasynyń quqyqtyq júıesin jetildirý máselesine kelgende ózgeristerdi aldymen Konstıtýııadan bastaý kerek.
«Saıası reformanyń eń bastysy – Konstıtýııaǵa ózgeris engizý. Tipten jańa Konstıtýııa qabyldaý qajet. Prezıdenttiń 16 naýryzdaǵy «Jańa Qazaqstan: Jańarý men jańǵyrý joly» joldaýynda aıtqan sheshimderi, bastamasy durys. Biraq sóz kúıinde qalmaı, jumys toby tez arada ózgeristerdi Konstıtýııalyq zańdardan bastap engizýi kerek. Konstıtýııalyq sottyń qaıta qalypqa kelýi óte durys. Sonda halyq oıyn ashyq aıta alady. Sonymen qatar elimizde majorıtarlyq jáne proporıonaldy saılaý júıeleri qatar bolýy kerek. Prezıdent majorıtarlyq júıeni 30 paıyz engizip jatyr, biraq túbinde elýde elý bolýy kerek degen usynys aıtyldy», – dedi Sýleıman Demırel atyndaǵy ýnıversıtettiń aǵa oqytýshysy.
Talqylaýǵa qatysqan zańgerler qoldanystaǵy zańdy jetildirgende óz quqyqtaryn júzege asyrýda kóptegen qıyndyqtarǵa tap bolyp otyrǵan azamattardyń quqyqtary men bostandyqtary týraly blokqa erekshe nazar aýdarý qajet ekenin atap ótti.
«Quqyq ústemdigi ınstıtýtynyń» sarapshysy, zań ǵylymdarynyń doktory Leıla Januzaqova oblys ákimderin tikeleı saılaý týraly usynysyn aıtty.
«Qoǵam oblys ákimderin de tikeleı saılaýdy talap etedi. Pılottyq joba retinde Qazaqstannyń bir oblysynda saılaý ótkizý kerek. Biraq úmitkerler saıası partııalardyń usynysymen ǵana emes, qoǵamdyq birlestikterdiń de qatysýymen, sondaı-aq ózin-ózi usyný arqyly da qatysýy tıis. Bul tikeleı demokratııa ınstıtýtynyń qalaı jumys isteıtinin kórý úshin qajet», – dedi professor.
Shara Sýleıman Demırel atyndaǵy ýnıversıtet pen «Quqyq ústemdigi ınstıtýty» uıymynyń uıymdastyrýymen ótti.
“Adyrna” ulttyq portaly
