Oblysta Memleket basşysynyŋ bastamasymen jüzege asyrylyp jatqan «Adal azamat» baǧdarlamasy aiasynda aǧa buyn ökılderı mektep oquşylary men studentterge ūlttyq qūndylyqtardy därıptep, azamattyq jauapkerşılıktıŋ maŋyzyn tüsındırude. Jaŋa oqu jyly bastalǧaly öŋırdıŋ bırqatar bılım beru ūiymynda beibıtşılık pen kelısım, mediasiia, adamgerşılık jäne adaldyq taqyryptaryna arnalǧan kezdesuler öttı. Būl jūmysqa Aqsaqaldar keŋesterınıŋ müşelerı de belsendı qatysyp keledı.
«Adal azamat» baǧdarlamasy öskeleŋ ūrpaqtyŋ boiynda ūlttyq jäne jalpyadamzattyq qūndylyqtardy qalyptastyruǧa baǧyttalǧan. Memleket basşysy Qasym-Jomart Toqaev 2025 jylǧy Ūlttyq qūryltaidyŋ IV otyrysynda «Bırtūtas tärbie» baǧdarlamasyn «Adal azamat» dep ataudy qoldady. Baǧdarlamanyŋ negızgı maqsaty – otanşyl, bılımdı, eŋbekqor ärı qoǧam aldyndaǧy jauapkerşılıgın sezınetın azamat tärbieleu.
«Aqmola oblysynda osy baǧyttaǧy jūmysty jüieleu maqsatynda aǧymdaǧy jyldyŋ basynda «Adal azamat» jobasyn jüzege asyru mäselelerıne arnalǧan Aqsaqaldar keŋesınıŋ otyrysy öttı. Oǧan keŋes müşelerı men bılım beru bölımderınıŋ basşylary qatysty. Jiynda aqsaqaldardy mektepterge bekıtu jäne oquşylar arasynda tärbielık jūmystar jürgızu mäselelerı qarastyryldy» , dedı oblystyq aqsaqaldar keŋesınıŋ töraǧasy Ermek Nūǧymanov.
Qazır Aqsaqaldar keŋesınıŋ müşelerı mektep oquşylary men kolledj studentterımen kezdesuler, därıster jäne aşyq äŋgımeler ötkızıp keledı. Is-şaralarda adaldyq, otansüigıştık, eŋbekqorlyq, adamgerşılık, bılımge qūştarlyq, ülkenge qūrmet pen qoǧamdyq kelısım qūndylyqtary därıpteledı.
Oqu jyly bastalǧaly öŋırdegı bılım beru ūiymdarynda baǧdarlamanyŋ negızgı qūndylyqtaryn tüsındıruge arnalǧan bırqatar ıs-şara ūiymdastyryldy.
Mäselen 10 qyrküiekte Kökşetau qalasyndaǧy №5 «Taŋdau» mektep-gimnaziiasynda Aqsaqaldar keŋesınıŋ müşesı Köşek Sämenovtıŋ qatysuymen «Beibıtşılık pen kelısım sabaǧy» öttı. Kezdesude qoǧamdyq kelısım men özara qūrmettıŋ maŋyzyn jas ūrpaqqa jetkızuge basymdyq berıldı.
Kökşetau joǧary medisinalyq kolledjınde de osy syndy kezdesu öttı. Bolat Zäkenovpen «Mediasiia – tatulasu önerı jäne jastar tärbiesı» taqyrybynda kezdesu ūiymdastyryldy. Sol künı Şoqan Uälihanov atyndaǧy köpsalaly kolledjde Mūrat qajy Ydyrysūly studenttermen jüzdesıp, «Atanyŋ sözı – aqyldyŋ közı» atty kezdesude ömırlık täjıribesımen bölıstı.
Aldaǧy uaqytta da bılım beru ūiymdarynda kezdesuler ötkızu josparlanǧan. Atap aitqanda, Köşek Sämenovtıŋ №5 mektepte, Şiiap Şarapūly Älievtıŋ №1 mektepte, Dahan Şökşırūly Jamşinnıŋ №18 mektepte, Bäikenūly Qarataidyŋ Äl-Farabi atyndaǧy mektep-liseiınde kezdesulerı közdelgen.
Jobany Aqmola oblysynyŋ barlyq audanynda jüzege asyru josparlanyp otyr. Aqsaqaldar keŋesterınıŋ qatysuymen jürgızılıp jatqan jūmys jastardy ūlttyq qūndylyqtardy qūrmetteuge, adal eŋbek etuge, eljandylyqqa jäne öz ısıne jauapkerşılıkpen qarauǧa tärbieleuge baǧyttalǧan.
