“Astyn qazyp kirgen”. Aqmola oblysynda zergerlik dúkendi tonap ketken kúdiktiler ustaldy

1379
Adyrna.kz Telegram

Stepnogorsk qalasyndaǵy zergerlik dúkenniń astyn qazyp, tonap ketken qos kúdikti Astanada qolǵa tústi. Bul týraly Polisia.kz jarııalady, dep habarlaıdy “Adyrna” ulttyq portaly. 

"Mamyrdyń 1-i kúni Stepnogorsk qalasynda eki azamat zergerlik dúkenniń jertóle qabatyna qazyp kirip, 180 mıllıon teńge bolatyn áshekeı zattardy qoldy qylǵan. Bul derekke qatysty QK 188 babynyń 4 bólimi boıynsha sotqa deıingi tergeý-tekserý bastaldy. Polıııa departamenti basshylyǵynyń uıǵarymymen Aqmola oblysynda jáne irgeles óńirlerdiń aýmaǵynda jedel izdestirý jumystary uıymdastyryldy", - deıdi polıııa qyzmetkerleri. 

Nátıjesinde Astana qalasynda elordanyń 1977 jáne 1988 jyly týǵan turǵyndary qolǵa tústi. Olardan zattaı aıǵaq retinde telefon, qural-saımandar men kólikteri tárkilengen.

Qylmystyq isti zertteý áli jalǵasýda, kúdiktiler qamaýǵa alyndy. Olar Stepnogorsk qalalyq bazarynyń mańyndaǵy zergerlik dúkenge urlyqqa túsken. Áleýmettik jelilerde taralǵan beınejazbaǵa qaraǵanda, urlyqshylar dúkenge kireberistegi baspaldaqtyń astynan oıyp engen. 

"Vıtrınalardy typ-tıpyl etken. Shyǵyn mólsheri júzdegen mıllıon teńge. Bul beıresmı aqparat", - delingen áleýmettik jelidegi jazbada. 

Pikirler