Stepnogorsk qalasyndaǧy zergerlık dükennıŋ astyn qazyp, tonap ketken qos küdıktı Astanada qolǧa tüstı. Būl turaly Polisia.kz jariialady, dep habarlaidy “Adyrna” ūlttyq portaly.
"Mamyrdyŋ 1-ı künı Stepnogorsk qalasynda ekı azamat zergerlık dükennıŋ jertöle qabatyna qazyp kırıp, 180 million teŋge bolatyn äşekei zattardy qoldy qylǧan. Būl derekke qatysty QK 188 babynyŋ 4 bölımı boiynşa sotqa deiıngı tergeu-tekseru bastaldy. Polisiia departamentı basşylyǧynyŋ ūiǧarymymen Aqmola oblysynda jäne ırgeles öŋırlerdıŋ aumaǧynda jedel ızdestıru jūmystary ūiymdastyryldy", - deidı polisiia qyzmetkerlerı.
Nätijesınde Astana qalasynda elordanyŋ 1977 jäne 1988 jyly tuǧan tūrǧyndary qolǧa tüstı. Olardan zattai aiǧaq retınde telefon, qūral-saimandar men kölıkterı tärkılengen.
Qylmystyq ıstı zertteu älı jalǧasuda, küdıktıler qamauǧa alyndy. Olar Stepnogorsk qalalyq bazarynyŋ maŋyndaǧy zergerlık dükenge ūrlyqqa tüsken. Äleumettık jelılerde taralǧan beinejazbaǧa qaraǧanda, ūrlyqşylar dükenge kıreberıstegı baspaldaqtyŋ astynan oiyp engen.
"Vitrinalardy typ-tipyl etken. Şyǧyn mölşerı jüzdegen million teŋge. Būl beiresmi aqparat", - delıngen äleumettık jelıdegı jazbada.
