«QazMūnaiGazdyŋ» enşılesı käsıporny – «KMG Drilling & Services» kompaniiasyna tiesılı Satti būrǧylau qondyrǧysy Türıkmenstannyŋ Şeleken ken ornynda būrǧylau jūmysyn bastamaq, dep habarlaidy "Adyrna" ūlttyq portaly.
Būl turaly QMG baspasöz qyzmetı mälımdedı.
Satti qalqymaly teŋız būrǧylau qondyrǧysy – Qazaqstanda jasalǧan. Ol - kürdelı teŋız jaǧdailarynda būrǧylau jūmystaryn jürgızuge arnalǧan qūrylǧy.
2021 jyly modifikasiiadan ötkennen keiın, qūrylǧylardyŋ jük köteru quaty 453 tonnadan 680 tonnaǧa deiın artqan.
«Şeteldegı jobalarda «Satti» platformasynyŋ tabysty paidalanuy Qazaqstannyŋ joǧary sapaly qyzmet körsetıp, älemdık deŋgeide kürdelı mūnai-gaz jūmystaryn oryndau qabıletın rastap otyr», – delıngen kompaniia habarlamasynda.Būrǧylau jūmysy bastaluyna bailanysty Türkımenstannyŋ Aşhabad qalasynda «KMG Drilling and Services» kompaniiasynyŋ bölımı aşylǧan. Qazaqstan men Türıkmenstan arasyndaǧy ekıjaqty yntymaqtastyqty nyǧaitu maqsatynda tamyz aiynda KMG DS jäne Dragon Oil Turkmenistan Limited Kaspii teŋızınıŋ türıkmen sektorynda būrǧylau jūmystaryn jürgızuge kelısımşart qabyldaǧan.
Ūqsas jaŋalyqtar
