13 qyrküiek künı Qaraǧandy – Qarqaraly tas jolynda qaiǧyly jol apaty tırkeldı, dep habarlaidy "Adyrna" ūlttyq portaly.
Şeşenqara auylynyŋ maŋynda ekı jeŋıl kölıktıŋ soqtyǧysuy saldarynan bes adam köz jūmyp, ekı adam auyr jaralanǧan.
Polisiianyŋ mälımetınşe, 33 jastaǧy Ford Mondeo jürgızuşısı jük kölıgın basyp ozu kezınde qarsy jolaqqa şyǧyp ketıp, Changan kölıgımen betpe-bet soqtyǧysqan. Qatty soqqydan 38 jastaǧy Changan jürgızuşısı men onyŋ jolauşysy jäne Ford Mondeo kölıgınıŋ üş jolauşysy oqiǧa ornynda qaza tapty.
Jaralanǧan ekı adam dereu auruhanaǧa jetkızılgen.
Densaulyq saqtau basqarmasynyŋ habarlauynşa, zardap şekkenderdıŋ jaǧdaiy auyr. Olardyŋ arasynda bır eresek adam men ekı bala bar. Balalar sanitarlyq aviasiia arqyly oblystyq balalar auruhanasyna jetkızılıp, jansaqtau bölımıne ornalastyryldy.
Qaiǧyly oqiǧadan keiın Ford Mondeo jürgızuşısıne qatysty qylmystyq ıs qozǧaldy. Ol uaqytşa ūstau izoliatoryna qamaldy.
Eske sala keteiık, 14 qyrküiek künı «Almaty – Öskemen» avtojolynyŋ 479-şaqyrymynda üş avtokölık qatysqan jol-kölık oqiǧasy oryn alyp, apat saldarynan oqiǧa ornynda 10 adam qaza tapqan edı.
Sondai-aq, 11 qyrküiek künı Maŋǧystau oblysynda jol apaty oryn alyp, 10 adam qaza tapqan bolatyn.
