Foto: ngmk.uz
Özbekstannyŋ Navoii tau-ken metallurgiia kombinatyna qarasty «Qyzylqūm» ken basqarmasynda qaiǧyly oqiǧa boldy. Şinomontaj jūmystary kezınde avtokölık döŋgelegı jarylyp, ekı jūmysşy qaza tapty, dep habarlaidy “Adyrna”.
Kombinattyŋ baspasöz qyzmetınıŋ mälımetınşe, oqiǧa 10 qyrküiek künı saǧat 15:00 şamasynda «Pistali» ken ornyndaǧy №1 kölık sehynyŋ qoldanystan şyqqan avtokölık şinalaryn saqtau alaŋynda bolǧan.
Aldyn ala aqparat boiynşa, jūmysşylar qūbyr tasymaldaityn kölıktıŋ tırkemesınde şinomontaj jūmystaryn jürgızıp jatqan kezde döŋgelek jarylǧan. Oqiǧa saldarynan ekı qyzmetker köz jūmdy.
Qazır qūqyq qorǧau organdary oqiǧaǧa qatysty tergeuge deiıngı tekseru jürgızıp jatyr. Sonymen qatar memlekettık baqylauşy organdar arnaiy tergeu bastap, jazataiym oqiǧanyŋ naqty sebepterı men män-jaiyn anyqtauda.
Kombinat ökılderı bolǧan jaǧdaiǧa bailanysty qajettı şaralar qabyldanyp jatqanyn jäne mūndai oqiǧalardyŋ qaitalanuyna jol bermeu üşın qauıpsızdık talaptary qosymşa qaralatynyn habarlady.
