«Önegelı ūrpaq» aptalyǧy aiasynda Şymkentte qariialar men ardagerler üiın tazalau, şöpterın oryp, qoqystardy şyǧaru, aǧaştardy äkteu jūmystary jürgızılıp, qūrmet körsetılude.
«Taza Qazaqstan» aksiiasy aiasynda Şymkent qalasy äkımınıŋ orynbasary Särsen Abaiūly bastaǧan bır top belsendıler, student jastar, erıktıler ŪOS ardagerı Nina Mosunovanyŋ şaŋyraǧyna bas sūqty. Jastar aulany tazartyp, aǧaş tüpterın qopsytty. Qorşaulardy syrlady.
Bügınde Şymkentte ekı-aq soǧys ardagerı qalǧan. Sonyŋ bırı – Nina Mosunova. Qariia biyl 100-ge kelıp otyr. Ol 1942 jyly äskerge öz erkımen attanyp, Mojaisk maŋyndaǧy soǧysta qolyna pulemet alyp jauǧa qarsy şyqqan. Soǧystan soŋ kassir, kıtaphanaşy, hatşy-maşinistka bolǧan. Qazırgı taŋda 2 nemere, 5 şöbere süiıp otyr.
– Bızge beibıt ömır syilaǧan Ūly Otan soǧysynyŋ jäne tyl ardagerlerınıŋ erlıgın baǧalau – bızdıŋ paryzymyz. Bız – ardagerlerımızdı ardaqtap, qarttarymyzdy qadırleitın halyqpyz. Endıgı paryzymyz közı tırısınde osy kısılerge barynşa qamqorlyq jasap, kömegımızdı aiamau. Sızge Ūly Jeŋıs pen bügıngı beibıt künderımız üşın alǧys aitamyz, – dedı Şymkent qalasy äkımınıŋ orynbasary Särsen Qūranbek.
Nina äjei qala ortalyǧyndaǧy alaqandai üide nemeresınıŋ qamqorlyǧynda tūryp jatyr. Jinalǧan jastarǧa rizaşylyǧyn aityp, jylap qaldy. Otan üşın otqa tüsıp, qan maidanda jetken jeŋısı, bügıngı beibıt ömır üşın bas iıp, alǧys bıldırdı. «Endı soǧys degen zūlmatty jastar körmesın. Elımızde tek beibıtşılık bolsyn» dedı qart ana.
