«AMANAT» partııasy áleýmettik jaǵdaıy tómen otbasylarǵa azyq-túlik kartasyn engizýdi usyndy

2273
Adyrna.kz Telegram

«AMANAT» partııasynyń músheleri el aýmaǵyndaǵy 2 myńǵa jýyq saýda nysandaryn tekserdi, dep habarlaıdy “Adyrna” ulttyq portaly. 

Kezekten tys otyrysta «AMANAT» partııasy janyndaǵy Ekonomıka, kásipkerlik jáne agrarlyq sektor máseleleri jónindegi respýblıkalyq qoǵamdyq keńestiń músheleri azyq-túlik baǵasynyń ósimi problemasyn talqylady.

29 shilde men 5 tamyz aralyǵynda baǵa ózgerisin baqylap júrgen partııanyń monıtorıng toptary 1747 nysanda 1126 reıd júrgizdi. Áleýmettik mańyzy bar azyq-túlik taýarlary tizbesi boıynsha baǵanyń joǵary ósimi 5 óńirde: Almaty jáne Nur-sultan qalalarynda, Qaraǵandy, Mańǵystaý, BatysQazaqstan oblystarynda baıqalady. Atap aıtqanda, amanattyqtar Mańǵystaý oblysynda Úkimet bekitken shektibaǵadan qyryqqabat117%-ǵa, sábiz – 60%-ǵa, pııaz – 35%-ǵa qymbattaǵanyn anyqtady. Qaraǵandy oblysynda qant baǵasyorta eseppen 30%-ǵa ósti. Batys Qazaqstan oblysynda qaraqumyq jarmasy 38,7%-ǵa qymbattady.

Saýda jáne ıntegraııa mınıstrligi Saýda komıteti tóraǵasynyń mindetin atqarýshy Aıdar Ábildabekovtiń aıtýynsha, áleýmettik mańyzy bar azyq-túlik taýarlary baǵasynyń ósimin tejeý úshin ákimdikter saýda nysandaryna«aınalym shemasy»  arqyly jeńildikpen qaryz berip jatyr. Nesıeleý maqsatynda jalpy somasy 86,4 mlrd. teńge bólindi. Sondaı-aq, ár oblysta turaqtandyrý qorlary quryldy.

«Turaqtandyrý qorlaryna 18 mlrd.teńge bólindi. Óńirlerdiń jedel aqparaty boıynsha, jyl basynan beri turaqtandyrý qorlaryna 18,3 myń tonna áleýmettik mańyzy bar azyq-túlik taýarlary, sonyń ishinde un – 10,2 myń tonna, qant – 3,1 myń tonna, kúrish – 0,6 myń tonna jáne t. b. satyp alyndy. Buǵan qosa, elimizde ár apta saıyn aýyl sharýashylyǵy ónimderiniń jármeńkesi uıymdastyrylyp keledi. Jyl basynan beri barlyq óńirde 4133 jármeńke uıymdastyryldy. Iaǵnı, ár apta saıyn orta eseppen 207 jármeńke ótedi. Onda taýarlar naryqtaǵy baǵadan 15-20%-ǵa tómen baǵamen satylady», – dedi ol.

Alaıda, partııa músheleri baǵa ósimimen kúres máselesinde «aınalym shemasynyń» tıimdiligi baıqalmaı otyrǵanyn aıtyp jatyr. Bul rette, Keńes tóraǵasy, Májilis depýtaty Amanjan Jamalov el Prezıdentiniń taıaýdaǵy tapsyrmasyn eske saldy.

«Úkimettiń keńeıtilgen otyrysynda Memleket basshysy «aınalym shemasynyń» tıimdiligine kúmán keltirdi. Sondyqtan tıimdi sheshim tabýdy tapsyrdy. Soǵan qaramastan, «aınalym shemasy» jumysyn jalǵastyryp jatyr. Eshqandaı jańa sheshim estigen joqpyz. Prezıdent tapsyrmasyn estimegen nemese túsinbegen sııaqtysyz», – dedi keńes tóraǵasy.


Aıta
ketý kerek, buǵan deıingi keńes otyrystarynda jáne depýtattyq saýaldarda partııalyqtar halyqty baǵa ósiminen qorǵaý úshin «aınalym shemasynyń» ornyna turǵyndardy qoldaýdyń ataýly sharalaryn pysyqtaýdy usynǵan bolatyn.

«Jaqynda elorda ákimdigi áleýmettik jaǵdaıy tómen azamattar úshin azyq-túlik kartochkalaryn engizetinin málimdedi. Bul shara shamamen 160 myń adamdy qamtıdy. Kartochkalar az qamtylǵan azamattarǵa azyq-túlikti tómen baǵamen satyp alýǵa múmkindik beredi. Baqylanbaıtyn ınflıaııa jaǵdaıynda mundaı shara ótetıimdi bolýy múmkin. Sebebi, kómek ataýly bolǵan soń, memleket qoldaý oǵan asa muqtaj adamdarǵa jasalady. Ózge óńirler de Nur-Sultan qalasynyń tájirıbesiboıynsha azyq-túlik kartochkalaryn engizýdi oılastyrýy tıis», – dep atap ótti Amanjan Jamalov.

Partııanyń Batys Qazaqstan oblystyq fılıalynyńatqarýshy hatshysy Murat Muqaev áleýmettik mańyzy bar azyq-túlik taýarlaryn satyp alý jáne satý tizbegindegi deldaldar sanyn zań júzinde ekige deıin shekteýdi jáne kóterme jetkizýshiler úshin áleýmettik mańyzy bar azyq-túlik taýarlaryna joǵary saýda ústemesin 15% mólsherinde bekitýdi usyndy. Sonymen qatar, partııa tájirıbesi azyq-túlik kartasyn engizýge kómektesetinin jetkizdi.

«Pandemııa ýshyǵyp turǵan kezeńde partııa muqtaj otbasylarǵa azyq-túlik sebetin taratý, 50 myń teńge kóleminde ataýly kómek bólý syndy ıgi isterdi qamtyǵan«Biz birgemiz» akııasyn ótkizdi. Sol tustaosyndaı otbasylardyń tizimin daıyndap, onyń anyq-qanyǵyn tekserdik. Endi osy tizimdi jandandyrý qajet. Sonda azamattar arnaıy karta boıynsha jeńildikpen azyq-túlik satyp ala alady. Óıtkeni qazirgi ýaqytta elimizdegi áleýmettik dúkenderde kez-kelgen adam taýar satyp alaalady», – dedi ol.


Ulttyq ekonomıka vıe-mınıstri
Abzal Ábdikárimov negizgi azyq-túlik ónimderiniń qymbattaýyn túsindirýge tyrysty. Onyń aıtýynsha, Qazaqstandaǵy azyq-túlik qymbatshylyǵynyń bir sebebi – jahandyq jetkizý tizbeginiń buzylýymen, álemdegi baǵa ósimimen jáne syrtqy ınflıaııalyq jaǵdaıdyń nasharlaýymen baılanysty.

«Eger álemdegi baǵa ósimi týraly aıtatyn bolsańyz, onda halyqtyń jalaqysy men tabysyn da dál solaıarttyrýdy qamtamasyz etińiz. Baǵanyń áli de kóterile beretinin, biraq tabys mólsheri artpaıtynyn aıtqankezde, aldaǵy ýaqytta adamdar toıyp tamaq jeı almaıdy degen oıdy jetkizesiz. Siz mınıstrlikte sol úshin otyrsyz ba? Sebep týraly aıtatyn bolsańyz, onymen kúres júrgizetin ádisi týraly da aıtýyńyz kerek. Ornaǵan jaǵdaıdy qaıtalap aıtyp berýdiń qajet joq», – dep atap ótti keńes tóraǵasy Amanjan Jamalov.

Óz kezeginde, aýyl sharýashylyǵy vıe-mınıstri Baǵlan Bekbaýov elimizde azyq-túlik tapshylyǵy joq ekenine sendirdi. Onyń aıtýynsha, memlekettiń azyq-túlik qory jetkilikti. Ol sondaı-aq, keńes múshelerine ishki naryqtyń qantqa qajettiligi tolyq qamtamasyz etiletinin habarlady. Tamyz aıynyń basynda qor 31,6 myń tonnany qurady. Zaýyttar 40,7 myń tonna qant óndirýdi josparlap otyr.Import 42,2 myń tonnany quraıdy.

«Tek belgili bir aımaqtarda ǵana tapshylyq bar. Jalpy respýblıka boıynsha oń teńgerim baıqalady. Aqtóbe, Abaı, Qyzylorda, Mańǵystaý oblystarynyń, Nur-Sultan jáne Shymkent qalalarynyń ákimdikteri tapshylyqtyń aldynalý úshin Azyq-túlik korporaııasymen qant jetkiz jóninde kelisim-shart jasasýy tıis», – dedi ol.

Sonymen qatar, otyrys barysynda keńes músheleri áýe jáne temirjol letteriniń qymbattaýyna, sondaı-aq dári-dármek baǵasynyń ósýine baılanysty paıda bolǵan máselelerdi talqylady. Partııalyqtar monıtorıng toptaryn dárihanalarǵa reıd júrgizý tájirıbesin jandandyrýdy usyndy.

Otyrysty qorytyndylaı kele, keńes tóraǵasy memlekettik organdardyń is-sharaǵa daıyndyǵyn synǵa aldy.

«Memlekettik organdardyń baıandamalary aldyńǵy otyrystarda aıtylǵan oıdy qaıtalaıdy. Geosaıası jaǵdaıdy jáne taǵy basqany aıtyp aqtalyp keledi.Barlyq máseleni jahandyq ınflıaııaǵa aýdara salýdy doǵarý qajet. Qazaqstan halqy úshin asa mańyzdy máselege degen osyndaı kózqaras bizdi qatty alańdatady. Eger jaqyn arada jumysqa degen kózqaras ózgermese, ilgerileýdi baıqalmaıtyn bolsa, onda «AMANAT» frakııasy tarapynan Parlament Májilisiniń jalpy otyrysynda baǵa ósimá máselesin qaraýǵa bastamashylyq etetin bolamyz», – dep túıindedi Amanjan Jamalov.

”Adyrna” ulttyq portaly

Pikirler