Aqyn-jazýshylardy, dramatýrgter men balalar avtorlaryn qoldaý maqsatynda «AMANAT» partııasynyń bastamasymen jyl saıynǵy respýblıkalyq «Uly dala» shyǵarmashylyq baıqaýy bastaldy, dep habarlaıdy "Adyrna" ulttyq portaly.
Baıqaý jyl saıyn «Ulttyq mura» partııalyq jobasy aıasynda Qazaqstan Jazýshylar odaǵymen birlesip ótkiziledi. 2019 jyly bastaý alǵan baıqaý osymen tórtinshi ret ótkizilip otyr. Baspasóz máslıhatynda partııa Hatshysy Dáýlet Káribek jýrnalısterge baıqaýǵa qatysýdyń basty erekshelikteri men sharttary týraly egjeı-tegjeıli baıandap berdi.
«Dástúrli túrde uıymdastyrylyp kele jatqan «Uly dala» baıqaýynyń basty maqsaty – ulttyq jáne rýhanı qundylyqtardy pash etetin búgingi otandyq avtorlardyń shyǵarmalaryn qoldaý jáne nasıhattaý. Bıyl qatysýshylar shyǵarmashylyq sheberligin tórt nomınaııa boıynsha synap kóredi: «Proza», «Poezııa», «Dramatýrgııa» jáne «Balalarǵa arnalǵan shyǵarma». Negizgi nomınaııalardan bólek, baıqaý aıasynda arnaıy syılyqtar da qarastyrylǵan. Sondaı-aq qatysýshylardyń barlyq shyǵarmasy BAQ-ta jarııalanady», – dedi partııa Hatshysy Dáýlet Káribek
Spıkerdiń aıtýynsha, bıyl Ahmet Baıtursynulynyń 150 jyldyǵyna, Muhtar Áýezovtiń 125 jyldyǵyna oraı arnaıy syılyqtar taǵaıyndalady. Sonymen qatar, «Alash amanaty» arnaıy syılyǵy tabystalady.
QR Memlekettik syılyǵynyń laýreaty Roza Muqanova qazirgi qazaq ádebıetine, sonyń ishinde jas qalamgerlerge qomaqty qoldaý qajet ekenin alǵa tartty.
«Ádebıet – qoldaýǵa zárý. Ásirese, ádebıetke kelgen jastar qaýymyn qoldaý qajet. Al osyndaı konkýrstar talantty jastardyń ádebıet álemindegi betalysyn aıqyndap, shyǵarmashylyǵyn oqyrmanǵa tanystyrady», – dedi jazýshy-dramatýrg Roza Muqanova.
Qazaqstannyń eńbek sińirgen qaıratkeri Amanjol Áltaıdyń aıtýynsha, búgingi qoǵamda kórkem ádebıet aıryqsha oryn alady.
«Uly dala» shyǵarmashylyq baıqaýy – «AMANAT» partııasynyń aldaǵy ýaqytta júıeli túrde ulttyń mádenıeti men ónerine qamqorshy bolatyndyǵynyń naqty bir dáleli. Hakim Abaı aıtqandaı, aqyly nurly, júregi jyly, qaıraty ystyq tolyq adam qalyptasýy úshin jastar mindetti túrde kórkem ádebıettiń ýyzyn emip ósýi kerek», dedi Májilis depýtaty Amanjol Áltaı.
Qazaqstannyń eńbek sińirgen qaıratkeri Janarbek Áshimjan mundaı is-shara jas qalamgerlerdi yntalandyryp, shyǵarmashylyǵyna tyń serpin beretinin jetkizdi.
«Uly dala» baıqaýy – mádenıet, rýhanııat, ádebıet baǵytyndaǵy elimizdegi eń iri jobalardyń biri. Qazirgi kezde proza, dramatýrgııa, poezııa janrlarynda qalam tartyp júrgen asa talantty jastar bar. Al mundaı baıqaýlar – jastar qaýymyna shalqar shabyt syılap, jańa shyǵarmalar jazýǵa yntalandyrady», – dedi Májilis depýtaty Janarbek Áshimjan.
Partııa Hatshysy Dáýlet Káribek baıqaýǵa kelip túsken barlyq shyǵarma kóziqaraqty oqyrmannyń nazaryna kúndelikti usynylyp, ashyq jarııalanyp otyratynyn aıtty.
«Qatysýshylarǵa qoıylatyn barlyq talaptar men baıqaý barysy belgilengen ereje mátini búgin BAQ-ta, áleýmettik jelilerdegi paraqshalarymyzda jáne partııanyń resmı saıtynda jarııalanady. Erejege saı kelip túsken shyǵarmalardy búrkenshik esimmen aikyn.kz saıtynan arnaıy ashylǵan «Uly dala» baıqaýy aıdarynda kúndelikti jarııalap otyratyn bolamyz. Kez-kelgen qyzyǵýshylyq tanytqan adam sol jerden shyǵarmalarmen tanysa alady», – dep atap ótti partııa Hatshysy Dáýlet Káribek.
Aıta ketý kerek, baıqaýǵa 20-45 jas aralyǵyndaǵy avtorlar qatysa alady. Qatysýshylar 26 tamyz ben 10 qazan aralyǵynda irikteledi. Baıqaý nátıjesi 25 qazan – Respýblıka kúni qarsańynda qorytyndylanyp, saltanatty is-sharada jarııalanady.
"Adyrna" ulttyq portaly
