Arqalyq qalasynda Mırjaqyp Dulatūlynyŋ tuǧanyna 140 jyl toluyna orai ötkızılgen «Ūly dala joryǧy» halyqaralyq at marafony öz märesıne jettı. Jarysty«JORYQ» at sporty federasiiasy ūiymdastyrdy. Oǧan «AMANAT» partiiasy, Qostanai oblysy äkımdıgı, sondai-aq Turizm jäne sport ministrlıgı qoldau körsettı.
Jeŋımpazdardy marapattau saltanatyna«AMANAT» partiiasynyŋ Atqaruşy hatşysy Däulet Kärıbek, Qostanai oblysynyŋ äkımı Qūmar Aqsaqalov, Premer-Ministrdıŋ keŋesşısı, «JORYQ» at sporty federasiiasy Qamqorşylyq keŋesınıŋ Töraǧasy Eraly Toǧjanov, «JORYQ» at sporty federasiiasynyŋ prezidentı Baqytjan Tūrlybekov jäne özge de azamattar qatysty.
«AMANAT» partiiasynyŋ Atqaruşy hatşysy Däulet Kärıbek Torǧai ölkesı qazaq ziialylarynyŋ altyn besıgı ärı elımızdıŋ qasterlı ruhani ortalyqtarynyŋ bırı ekenın atap öttı.
«Ūly dala joryǧy» osydan üş jyl būryn tıkelei Memleket basşysy Qasym-Jomart Toqaevtyŋ qoldauymen bastalǧan bolatyn. Üş jyldyŋ ainalasynda būl bäige altynşy märte ötkızılıp jatyr. Osy uaqyt ışınde marafon-bäige älemge tanymal halyqaralyq jarys deŋgeiıne köterılıp keledı. Osynyŋ bärı Prezidentımızdıŋ ūlttyq sportty damytuǧa jasap otyrǧan qamqorlyǧynyŋ, qoldauynyŋ arqasy ekenın basa aituǧa tiıspız. Bügınde Ūlttyq sport halqymyzdyŋ ūlttyq tölqūjatyna, maqtanyşyna, tıptı ömır saltyna ainaldy dese bolady», – dedı ol.
«AMANAT»-tyŋ Atqaruşy hatşysy partiia aldaǧy uaqytta da ūlttyq sport türlerıne, sonyŋ ışınde at sportyna jan-jaqty qoldau körsetujūmysyn jalǧastyratynyn aitty. Mäselen, byltyr el Prezidentı Mäjılıstegı «AMANAT»partiiasynyŋ fraksiiasy äzırlegen jylqylardyŋ otandyq tūqymdaryn saqtau jäne ösımın molaitu mäselelerı jönındegı arnaiy zaŋǧa qol qoidy.Sonymen qatar Memleket basşysynyŋtapsyrmasy boiynşa elımızde jaŋa ūlttyq sport ortalyqtary, klubtar, mektepter aşyluda. Onda 600 myŋnan astam adam qazaqtyŋ dästürlı sport türlerımen şūǧyldanady.
Qostanai oblysynyŋ äkımı Qūmar Aqsaqalov «Ūly dala joryǧy» tek sporttyq ıs-şara ǧana emes, sonymen qatar Qazaqstan halqy Assambleiasynyŋ 30 jyldyǧy tūsynda el bırlıgın, tatulyq pen dostyqty nyǧaitudyŋ erekşe belgısıne ainalǧanyn atap öttı.
«Būl marafon – tek qana sporttyq doda emes. Ol – halqymyzdyŋ tarihyn därıpteitın,ūlttyq ruhymyzdy jaŋǧyrtatyn, eldıgımızdı aiqyndaityn taǧylymdy ıs-şara. Arqalyq törınde märesıne jetken būl doda ūly tūlǧanyŋ ruhyna jasalǧan taǧzym, onyŋ ūrpaqqa qaldyrǧan amanatyn ūlyqtaudyŋ aiqyn körınısı dep bılemın. Aita keteiın, kelesı jyly Arqalyq qalasynyŋ 70 jyldyq mereitoiy atalyp ötedı. Osyǧan orai, «Ūly dala joryǧyn» dästürlı türde jalǧastyryp, osy tarihi dataǧa arnap ötkızudı josparlap otyrmyz», – dedı aimaq basşysy.
Bes künge sozylǧan marafon qorytyndysy boiynşa, bırınşı oryndy Qyrǧyzstannyŋ bırınşıqūramasy ielenıp, asqan tözımdılıgı men şynaiyşeberlıgın körsettı. Olardyŋ jalpy uaqyty – 26 saǧat, 41 minut, 47 sekund. Ekınşı bolyp märe syzyǧyn Aqtöbe oblysynyŋ komandasy kesıp öttı(27 saǧat, 21 minut). Al üşınşı oryndy Qostanai oblysynyŋ bırınşı komandasy qanjyǧalady (27 saǧat, 32 minut, 14 sekund).
Biyl jarysqa 19 komanda, sonyŋ ışınde Qyrǧyzstan jäne Resei memleketterınıŋ ökılderı, sondai-aq Qazaqstan halqy Assambleiasynyŋ komandasy qatysty.
Eske sala keteiık, öŋırde Mırjaqyp Dulatūlynyŋ 140 jyldyǧyna orai özge de auqymdy merekelık ıs-şaralar öttı. Qostanaida ūly aqyn ärı «Alaş» qozǧalysynyŋ qairatkerıne arnalǧan eskertkış aşyldy, al Torǧaida respublikalyq aitys jäne ǧylymi-praktikalyq konferensiia öttı. Sonymen qatar deputattar men qoǧam belsendılerı aqynnyŋ tuǧan ölkesı Bidaiyq auylynda ornalasqan mūrajaiǧa bardy.
