Astanadaǧy Täuelsızdık saraiynda Qazaqstan Prezidentı Qasym-Jomart Toqaevtyŋ şaqyruymen memlekettık saparmen Qazaqstanǧa kelgen Oman sūltany Haisam ben Tarik Äl Saidtı resmi qarsy alu räsımı öttı, dep habarlaidy "Adyrna" ūlttyq portaly.
Saltanatty räsım barysynda Qasym-Jomart Toqaev pen Haisam ben Tarik Äl Said resmi delegasiia müşelerın bır-bırıne tanystyrdy.
Odan keiın Qūrmet qarauyly rotasynyŋ bastyǧy raport berıp, Qazaqstan men Omannyŋ memlekettık änūrandary oryndaldy. Räsımnen soŋ ekı el basşylary kelıssöz jürgızuge kırıstı.
Aita keteiık, 5 qazanda Qasym-Jomart Toqaev Astana äuejaiynda Oman sūltanyn qarsy alǧan bolatyn. Memleket basşylary äuejaidyŋ ūşu alaŋynda qysqaşa äŋgımelesıp, aldaǧy kelıssözderdıŋ maŋyzyn atap öttı.
Qasym-Jomart Toqaev Oman sūltanynyŋ sapary Qazaqstan men Oman arasyndaǧy ekıjaqty bailanysty damytu üşın tarihi maŋyzy bar ekenın aitqan.
«Elıŋız öz öŋırınde ǧana emes, odan tys jerlerde, sonyŋ ışınde Qazaqstanda da laiyqty bedelge ie. Ekı el arasyndaǧy serıktestıktıŋ äleuetı zor ekenıne senımdımın. Aldaǧy uaqytta osy mümkındıktı tolyq aşyp, tiımdı jüzege asyruymyz qajet», – dedı Prezident.
Öz kezegınde Haisam ben Tarik Äl Said Qazaqstan tarapyna jyly qabyldaǧany üşın alǧys bıldırıp, aldaǧy kelıssözderdıŋ mazmūndy ärı nätijelı ötetınıne senım bıldırdı.
