foto: Polisia.kz
Soltüstık Qazaqstan oblysynda jyl basynan berı köşı-qon zaŋnamasyn būzǧan 679 şeteldık azamat äkımşılık jauapkerşılıkke tartyldy. Onyŋ 633-ı köşı-qon talaptaryn būzǧan. Būl turaly SQO Polisiia departamentı mälımdedı, dep habarlaidy "Adyrna".
Aqparatqa säikes, 45 şeteldık azamat Qazaqstan aumaǧynan şyǧarylǧan. Sonymen qatar 152 adamnyŋ elde bolu merzımı qysqartyldy.
Äkımşılık jauapkerşılıkke tartylǧandardyŋ arasynda jolauşylar tasymalymen ainalysqan Täjıkstan azamaty da bar. Petropavl tūrǧyny taksi jürgızuşısınıŋ dörekılıgıne şaǧymdanǧannan keiın, polisiia onyŋ Qazaqstanda zaŋ talaptaryn būza otyryp jūmys ıstegenın anyqtady.
42 jastaǧy er adam elge kırgen kezde jūmysqa ornalasu nemese käsıpkerlık qyzmetpen ainalysu maqsatyn körsetpegen. Soǧan qaramastan, Qazaqstan aumaǧynda jolauşylar tasymalymen ainalysqan. Būǧan deiın de osyǧan ūqsas qūqyq būzuşylyq üşın äkımşılık jauapkerşılıkke tartylǧany belgılı boldy.
Qūqyq būzuşylyqtyŋ bır jyl ışınde qaitalanuyna bailanysty polisiia tiıstı materialdardy jinap, äkımşılık sotqa joldaǧan.
Sot şeşımımen azamatqa bır täulık äkımşılık qamau taǧaiyndalyp, keiın Qazaqstan Respublikasynan bes jyl merzımge şyǧaru turaly şeşım qabyldandy.
