ŞQO-da qymbat metaldardy zaŋsyz öndırdı degen küdıkpen 19 şeteldık azamat ūstaldy. Būl turaly bügın, 11 qyrküiekte Işkı ıster ministrlıgınıŋ baspasöz qyzmetı aitty, dep habarlaidy «Adyrna» tılşısı.
«Qūqyqtyq tärtıp» jedel-profilaktikalyq ıs-şarasy barysynda Şyǧys Qazaqstan oblysynyŋ poliseilerı paidaly qazbalardy zaŋsyz öndıru faktısın anyqtaǧan.
Oblystyŋ bır audanynda 19 şeteldık azamat pen Öskemen qalasynyŋ 2 tūrǧyny ūstalǧan. Qymbat metalldardy öndıruge arnalǧan ekskavatorlar, buldozer, ūsatqyş qondyrǧylar jäne basqa da jabdyqtar, sondai-aq qūramynda altyn men basqa da baǧaly komponentterdıŋ belgılerı bar metall būiymdary tärkılengen.
«Atalǧan faktı boiynşa sotqa deiıngı tergeu bastaldy. Tergeu barysynda qūqyqqa qarsy äreketke qatysy bar boluy mümkın 20-dan astam adam tekserılude. Dälelder jinalyp, qajettı saraptamalar taǧaiyndaldy, ıstıŋ barlyq män-jaiyn anyqtau şaralary qabyldanuda»,—delıngen habarlamada.
