Jetısu oblysynda «Zaŋ men tärtıp» tūjyrymdamasyn ıske asyru aiasynda «Eŋbekpen – tärtıpke, tärtıppen – tabysqa» atty oblystyq bos jūmys oryndary järmeŋkesı öttı. Järmeŋkege 100-den astam jūmys beruşı qatysyp, jūmys ızdeuşılerge 700-den astam bos jūmys orny ūsynyldy. Järmeŋke qorytyndysynda 400-ge juyq azamat jūmyspen qamtu şaralaryna joldanyp, onyŋ ışınde 200-den astam azamat tūraqty jūmysqa ornalasty. Sonymen qatar 200-ge juyq azamatty subsidiialanatyn jūmys oryndaryna, onyŋ ışınde «Jastar praktikasy», «Kümıs jas», «Qoǧamdyq jūmystar» jobalaryna joldau josparlanǧan, - dep habarlaidy Jetısu oblysy äkımınıŋ baspasöz qyzmetı.
Is-şaranyŋ basty maqsaty – jūmys beruşıler men jūmys ızdeuşı azamattar arasynda tıkelei bailanys ornatu, laiyqty jūmys ornyn tabuǧa kömektesu, sondai-aq halyqtyŋ eŋbek qūqyqtary, resmi jūmysqa ornalasu mümkındıkterı men memlekettık qoldau şaralary turaly aqparattandyryluyn arttyru.
Is-şaraǧa qatysqan oblys äkımınıŋ orynbasary Marlen Kölbaev eŋbek adamnyŋ öz mümkındıkterın jüzege asyruyna, otbasynyŋ äl-auqatyn qamtamasyz etuge, sondai-aq qoǧam men memlekettıŋ damuyna üles qosuyna mümkındık beretın maŋyzdy qūndylyq ekenın atap öttı.
– Eŋbek nätijelı boluy üşın tärtıptı saqtap, öz mındetterıne jauapkerşılıkpen qarap, zaŋ talaptaryn oryndau kerek. «Zaŋ jäne tärtıp» qaǧidaty – qoǧamdaǧy qauıpsızdık pen tūraqtylyqtyŋ, ädıldık pen zaŋ üstemdıgınıŋ basty negızderınıŋ bırı. Bügıngı järmeŋkenıŋ «Eŋbekpen – tärtıpke, tärtıppen – tabysqa» degen atauy onyŋ negızgı ideiasyn aiqyn körsetedı. Adal eŋbek, tärtıp, zaŋdy saqtau jäne jauapkerşılık – tūraqty jūmyspen qamtu men azamattardyŋ äl-auqatyn qamtamasyz etudıŋ maŋyzdy şarttary, – dedı M. Kölbaev.
Järmeŋkede öŋırdegı käsıporyndar, şaǧyn jäne orta biznes subektılerı, memlekettık mekemeler, bılım beru, densaulyq saqtau jäne basqa da salalardyŋ ūiymdary bos jūmys oryndaryn ūsyndy. Olardyŋ qatarynda öŋırdegı 20-dan astam ırı jäne orta käsıporyn, Atap aitqanda, «Qainar AKB», «Temırbeton», «Metakon», «ALACEM», «JLC Süt», «ASMA Industrial», Taldyqorǧan kabel zauyty, Köksu qant zauyty, «Almaz Keramiks» JŞS jäne basqa da käsıporyndar bar.
Järmeŋkege qatysuşylar kompaniia ökılderımen tıkelei tıldesıp, eŋbek jaǧdailary, ümıtkerlerge qoiylatyn talaptar, jalaqy deŋgeiı jäne käsıbi damu mümkındıkterı turaly aqparat aldy.
Is-şara barysynda mügedektıgı bar azamattardy, jūmyssyzdardy jäne tehnikalyq jäne käsıptık bılım beru ūiymdarynyŋ tülekterın jūmysqa ornalastyruǧa erekşe köŋıl bölındı.
Sonymen qatar probasiia qyzmetınıŋ esebınde tūrǧan, sondai-aq qylmystyq-atqaru jüiesı mekemelerınen bosap şyqqan azamattardy jūmysqa ornalastyruǧa järdemdesu baǧytynda jūmystar jürgızıldı. Tūraqty jūmyspen qamtu – olardyŋ äleumettık beiımdeluı men qūqyq būzuşylyqtardyŋ aldyn aludyŋ maŋyzdy faktorlarynyŋ bırı.
Järmeŋke barysynda azamattarǧa «Kümıs jas», «Äleumettık jūmys oryndary», «Jastar praktikasy», «Qoǧamdyq jūmystar» jobalary boiynşa subsidiialanatyn jūmys oryndaryna ornalasu mümkındıkterı tüsındırıldı. Sonymen qatar qatysuşylar qysqa merzımdı käsıptık oqudan ötu mümkındıkterı turaly aqparat aldy.
Tehnikalyq jäne käsıptık bılım beru ūiymdarynyŋ studentterı üşın «Mansap kompasy» platformasyn paidalanyp, käsıptık baǧdar beru boiynşa konsultasiialar berıldı. Jastarǧa Skills Enbek platformasynda bılım alu mümkındıkterı, sondai-aq Elektrondyq eŋbek birjasy arqyly bos jūmys oryndaryn ızdeu jäne jūmysqa ornalasu joldary tüsındırıldı.
Jūmys beruşıler üşın järmeŋke äleuettı qyzmetkerlermen tıkelei bailanys ornatyp, qajettı mamandardy ırıkteuge mümkındık beretın tiımdı alaŋǧa ainaldy.
- Bız ekı bos jūmys ornyn: jylu energetikasy injenerı jäne elektrgazben dänekerleuşı jūmysyn ūsynyp otyrmyz. Mūndai järmeŋkeler şynymen de nätijelı ötetının täjıribemız körsetıp otyr. Mūnda adam bırden bırneşe ūsynyspen tanysyp, özıne qolaily jūmysty taŋdai alady, - dedı «Taldyqorǧanjyluservis» KMK mamany Arailym Mūhamer.
Keibır qatysuşylar üşın memlekettık qoldau nätijelerınıŋ bırı – öz ısın aşu. Mäselen, Eskeldı audanynyŋ Abai auylynan kelgen jas käsıpker Serık Jūmabek öz täjıribesımen bölıstı. Ol Eŋbek naryǧyn damytu tūjyrymdamasy aiasynda 1,5 mln teŋge kölemınde qaitarymsyz memlekettık grant alyp, qarajatty mal şaruaşylyǧyn damytuǧa baǧyttaǧan.
- Būl qarajatqa üş qūlyndy bie satyp alyp, osylaişa jylqy sanyn köbeittık. Qymyz satamyz, mausym kezınde saumal satamyz. Ekı közım de naşar köredı. Soǧan qaramastan eŋbek etuge üirengenmın, bala kezımnen jylqy baǧyp kelemın. Mūny otbasylyq käsıbımız deuge bolady. Grant osy ıstı ärı qarai damytuǧa, özımız jaqsy köretın jylqy şaruaşylyǧymen ainalysuǧa mümkındık berdı. Sonymen qatar qolönermen de ainalysamyz, jügen jasaimyz. Eŋbek etken adam onyŋ jemısın de köredı, – deidı käsıpker.
Osylaişa, memlekettık qoldau azamattarǧa jūmysqa ornalasu, käsıbi tūrǧyda damu jäne öz käsıbın bastau üşın qosymşa mümkındıkter beredı.
Jalpy, oblystyq bos jūmys oryndary järmeŋkesıne 789 jūmyssyz azamat qatysty. Olardyŋ ışınde probasiia qyzmetınıŋ esebınde tūrǧan 66 azamat jäne 300-den astam jas bar.
Atap ötsek, probasiia qyzmetınıŋ esebınde tūrǧan azamattardy jäne äleumettık osal sanattaǧy tūrǧyndardy jūmysqa ornalastyruǧa järdem körsetken käsıporyn basşylary Alǧys hattarmen marapattaldy.
