Aqmola oblysynda «Kıtap oqityn ūlt – Chitaiuşaia nasiia» ūlttyq marafonyna qatysu üşın 35 myŋǧa juyq adam tırkeldı. Jobaǧa mektep oquşylary, studentter, pedagogter, memlekettık qyzmetşıler, otbasylar jäne öŋır tūrǧyndary qatysyp jatyr. Būl turaly Öŋırlık kommunikasiialar qyzmetınıŋ brifingınde oblys äkımınıŋ orynbasary Dosūlan Aitbaev, mädeniet basqarmasynyŋ basşysy Nūrǧisa Daueşov jäne öŋırlık jobalyq keŋse jetekşısı Janar Junusova mälımdedı.
Oblysta marafon tamyz aiynda bastalyp, qyrküiek aiynan bastap barlyq 20 audan men qalada qatysuşylardy belsendı tırkeu jūmystary jürgızıldı. Joba «Oqityn mektep», «Oqityn universitet», «Oqityn otbasy», «Kıtap oqityn ziiatker» siiaqty jetı negızgı baǧytty qamtidy. Qatysuşylar tızımge engen otandyq jäne älem ädebietınıŋ 330 kıtabynan 15 şyǧarmany oqyp, keiın testıleu men ziiatkerlık kvizderden ötedı.
«Kıtap oqu – jaŋa bılım aludyŋ ǧana emes, oi-örıstı keŋeitudıŋ, taldau jasaudy jäne öz betınşe qorytyndy şyǧarudy üirenudıŋ de mümkındıgı. Sondyqtan marafonǧa är jastaǧy jäne ärtürlı salada eŋbek etetın adamdardyŋ qatysqany bız üşın maŋyzdy», – dedı Dosūlan Aitbaev.
Jobany ılgerıletude kıtaphanalarǧa da erekşe röl berılıp otyr. Öŋırdıŋ audandyq jäne auyldyq kıtaphanalarynda qajettı kıtap qory jasaqtalǧan. Sonymen qatar barlyq ortalyqtandyrylǧan kıtaphanalar jüiesınde «Zerdelı ūlt» atty 288 būryş aşyldy. Kıtap oquǧa qyzyǧuşylyqty arttyru üşın kıtaphanalar janynda klubtar jūmys ısteidı. Bügınde olardyŋ 35 otyrysy ötkızıldı. Äleumettık jelılerde öŋırge tanymal tūrǧyndardyŋ süiıktı kıtaptary men oqu mädenietınıŋ maŋyzy turaly aitatyn 200-ge juyq beinesūhbat jariialandy.
«Bügınde kıtaphana kıtap alatyn oryn ǧana emes, adamdardyŋ pıkır almasyp, ädebiettı talqylaityn jäne jaŋa oqyrmandyq bastamalarǧa jol aşatyn keŋıstık boluy kerek. Bız mūndai mümkındıkterdı oblystyŋ qalalary men audandarynda da qalyptastyruǧa tyrysyp jatyrmyz», – dedı Nūrǧisa Daueşov.
Öŋırdegı marafondy arnaiy qūrylǧan jobalyq keŋse üilestıredı. Onyŋ qūramyna memlekettık organdardyŋ, bılım, mädeniet salalarynyŋ jäne joǧary oqu oryndarynyŋ ökılderı kırdı. Audandarda aqparattyq kezdesuler men türlı ıs-şaralar ötıp, jobany nasihattauǧa jazuşylar, qoǧam belsendılerı jäne öŋırdıŋ basqa da ökılderı tartyluda.
Janar Junusovanyŋ aituynşa, qazır qatysuşylar sanyn köbeitıp qana qoimai, olardyŋ marafon boiy kıtap oquǧa degen qyzyǧuşylyǧyn saqtau maŋyzdy.
«Bızdıŋ mındetımız – jobaǧa qatysudy tek tırkelumen şektemeu. Adamnyŋ kıtapty şynymen oqyp, alǧan äserımen bölısıp, ainalasyndaǧylardy da osy üderıske tartqany maŋyzdy. Sondyqtan kezdesuler ötkızudı, klubtardyŋ jūmysyn damytudy jäne oqyrman mädenietın nasihattau üşın äleumettık jelılerdı paidalanudy jalǧastyramyz», – dedı ol.
Marafonnyŋ negızgı kezeŋı 2027 jyldyŋ nauryzyna deiın jalǧasady. Odan keiın qatysuşylar qorytyndy testıleu men kvizderden ötedı. Öŋırlık kezeŋnıŋ jeŋımpazdary Aqmola oblysyn respublikalyq deŋgeide tanystyru mümkındıgıne ie bolady. «Kıtap oqityn ūlt» marafonynyŋ finaly 23 säuır – Ūlttyq kıtap künı Astana qalasynda ötedı. Qorytyndy boiynşa elımızdıŋ üzdık on oqyrmany anyqtalady.
