Jurnalist, aqyn Düisenälı Älımaqynnyŋ "Amerika aşqan qazaqtar" atty jaŋa kıtaby jaryqqa şyqty, dep habarlaidy "Adyrna" ūlttyq portaly.
Būl eŋbek avtordyŋ "Bolaşaq" baǧdarlamasy aiasynda Vaşington universitetınde täjıribeden ötıp, AQŞ-taǧy arhivterde jürgızgen zertteuınıŋ nätijesı.
Kıtapta Amerika kıtaphanalaryndaǧy qazaqtarǧa qatysty tarihi derekter jinaqtalǧan. Avtordyŋ aituynşa, ärbır tapqan mälımetın erekşe tolqynyspen qabyldap, oqyrmanǧa jetkızuge asyqqan.
"Amerika aşqan qazaqtar" atty būl kıtabym Vaşingtonda jazylyp，Almatyda jaryq kördı. Kıtapqa AQŞ kıtaphanalarynda saqtalǧan qazaqqa qatysty derekter endı. Men kıtaphanalarda kezdestırgen özımızge qatysty ärbır derektı jüregıme basyp qūşaqtapsızderge jetkızuge asyqqanym ras. Kıtap bolyp jaryq körıpsızderdıŋ sörelerıŋızde tūrsaalystaǧaǧy arhivterde bızdıŋ el turaly jazbalar bar ekenın jūrt bılse degen maqsatym oryndaldy" - dep jazdy avtor Facebook paraqşasynda.
Kıtaptyŋ alǧysözın qazırgı Abai oblysynyŋ äkımı Berık Uäli jazǧan. Jobaǧa "Bolaşaq" baǧdarlamasy men "Zeinolla Sänık" atyndaǧy mädeniet qory qoldau körsetken. Sondai-aq, avtor eŋbektıŋ jaryq köruıne üles qosqan bırqatar qoǧam qairatkerlerı men ziialy qauym ökılderıne alǧysyn bıldırdı.
Būl kıtap AQŞ-taǧy arhivterde saqtalǧan qazaq tarihyna qatysty tyŋ mälımetterdı oqyrman nazaryna ūsynyp, zertteuşıler men qyzyǧuşylyq tanytqan jandarǧa qūndy derekköz bolmaq.
