Jýrnalıst, aqyn Dúısenáli Álimaqynnyń "Amerıka ashqan qazaqtar" atty jańa kitaby jaryqqa shyqty, dep habarlaıdy "Adyrna" ulttyq portaly.
Bul eńbek avtordyń "Bolashaq" baǵdarlamasy aıasynda Vashıngton ýnıversıtetinde tájirıbeden ótip, AQSh-taǵy arhıvterde júrgizgen zertteýiniń nátıjesi.
Kitapta Amerıka kitaphanalaryndaǵy qazaqtarǵa qatysty tarıhı derekter jınaqtalǵan. Avtordyń aıtýynsha, árbir tapqan málimetin erekshe tolqynyspen qabyldap, oqyrmanǵa jetkizýge asyqqan.
"Amerıka ashqan qazaqtar" atty bul kitabym Vashıngtonda jazylyp，Almatyda jaryq kórdi. Kitapqa AQSh kitaphanalarynda saqtalǵan qazaqqa qatysty derekter endi. Men kitaphanalarda kezdestirgen ózimizge qatysty árbir derekti júregime basyp qushaqtapsizderge jetkizýge asyqqanym ras. Kitap bolyp jaryq kóripsizderdiń sórelerińizde tursaalystaǵaǵy arhıvterde bizdiń el týraly jazbalar bar ekenin jurt bilse degen maqsatym oryndaldy" - dep jazdy avtor Facebook paraqshasynda.
Kitaptyń alǵysózin qazirgi Abaı oblysynyń ákimi Berik Ýálı jazǵan. Jobaǵa "Bolashaq" baǵdarlamasy men "Zeınolla Sánik" atyndaǵy mádenıet qory qoldaý kórsetken. Sondaı-aq, avtor eńbektiń jaryq kórýine úles qosqan birqatar qoǵam qaıratkerleri men zııaly qaýym ókilderine alǵysyn bildirdi.
Bul kitap AQSh-taǵy arhıvterde saqtalǵan qazaq tarıhyna qatysty tyń málimetterdi oqyrman nazaryna usynyp, zertteýshiler men qyzyǵýshylyq tanytqan jandarǵa qundy derekkóz bolmaq.
