Foto: Qorǧanys ministrlıgı
Qazaqstan Qorǧanys ministrlıgı Kaspii teŋızınıŋ akvatoriiasynda jürgızılgen ızdestıru-qūtqaru operasiiasynyŋ aiaqtalǧanyn habarlady, dep habarlaidy "Adyrna".
Ministrlıktıŋ mälımetınşe, 25 qyrküiek künı saǧat 09:15 şamasynda ızdeu jūmystary barysynda būǧan deiın habarsyz ketken ekı äskeri qyzmetşınıŋ denesı tabylǧan. Olar – serjant Mansūr Gumarov pen matros Miras Tūrdybekūly.
Qaiǧyly jaǧdai oqu-jauyngerlık tapsyrmany oryndau kezınde aua raiynyŋ kürt naşarlap, jeldıŋ küşeiuınen bolǧan. Sonyŋ saldarynan 17 äskeri qyzmetşı aşyq teŋızge aǧyp ketken.
Oqiǧa kezınde üş äskeri qyzmetşı qūtqaryldy. Qalǧan 14 äskeri qyzmetşı qaza tapty.
Qazaqstan Qorǧanys ministrlıgı men Qaruly küşterınıŋ basşylyǧy, sondai-aq jeke qūramy qaza bolǧan äskeri qyzmetşılerdıŋ otbasy men jaqyndaryna köŋıl aitty.
Ministrlık mälımetınşe, marqūmdardyŋ otbasylaryna qajettı kömek körsetıledı. Onyŋ ışınde materialdyq jäne psihologiialyq qoldau ūiymdastyrylmaq.
Būdan aldyn habarlanǧandai Kaspii teŋızınıŋ jaǧalauynda oqu-jauyngerlık mındetterdı oryndau kezınde aua raiynyŋ kürt naşarlap, jeldıŋ küşeiuı saldarynan äskeri qyzmetşılerdı teŋız alyp ketken. Äuelde aǧyp ketken sarbazdardyŋ sany 19 adam dep jariialanǧanymen, soŋynan 17 adam jaily aityldy. Üş äskeri qyzmetker qūtqarylyp, olardyŋ bıreuı auruhanaǧa jetkızılgen.
Izdestıru-qūtqaru operasiiasyna Äskeri-teŋız küşterı, Tötenşe jaǧdailar ministrlıgı bölımşelerı, aviasiia jäne özge de tiıstı qyzmetter jūmyldyrylǧan.
Oqiǧa ornynda premter-ministrdıŋ orynbasary Qanat Bozymbaevtyŋ jetekşılıgımen ükımettık komissiia jūmys ıstep jatyr. Prezident Qasym-Jomart Toqaev qaiǧyly oqiǧaǧa bailanysty marqūmdaryna janūiasyna köŋıl aityp, 25 qyrküiektı jalpyūlttyq aza künı retınde jariialady.
Kaspiidegı oqu-jattyǧu "Hazar qorǧany - 2026" degen atpen ötkızılgen. Jattyǧu Qorǧanys ministrlıgınıŋ oqu-jattyǧudyŋ strategiialyq komandalyq-ştabtyq bıryŋǧai jospar aiasynda Kaspii teŋızınıŋ qazaqstandyq sektorynda ötken. Oǧan Qazaqstan qaruly küşterı äskeri-teŋız küşterınıŋ bas qolbasşysy, 1-därejelı kapitan Qanat Niiazbekov jetekşılık etken. Oqu-jattyǧuǧa äskeri-teŋız küşterı men olarǧa baǧynysty bölımşelerdıŋ 500-den astam äskeri qyzmetker, äskeri kemelerdıŋ ekipajdary men jaǧalau bölımşelerı qatysqan. Maşyqtanuǧa ŪQK şekara qyzmetınıŋ Maŋǧystau oblysy boiynşa jaǧalau küzetı men äue qorǧanysy küşterınıŋ küşterı men qūraldary tartylǧan.
