Foto Jİ kömegımen jasaldy
Astana qalasynyŋ memlekettık kırıster departamentıne qarasty «Auejai – Astana» keden beketınıŋ qyzmetkerlerı mobildı qūrylǧylardy zaŋsyz äkeludıŋ 10 deregın anyqtady, dep habarlaidy "Adyrna" tılşısı.
Nätijesınde 223 iPhone 18 smartfony men 10 jūp AirPods symsyz qūlaqqaby tärkılendı. Būl turaly Memlekettık kırıster komitetı habarlady.
Mälımetke säikes, jolauşylar ūialy telefondardy bagaj arqyly «jasyl dälızben» ötkızbek bolǧan. Iаǧni tauarlarǧa kedendık deklarasiia ūsynbaǧan.
Tekseru barysynda bır jolauşynyŋ bagajynan bırden 50 smartfon tabylǧan. Būl jeke tūlǧanyŋ jeke paidalanuǧa arnalǧan tauar retınde baj tölemei jäne deklarasiiasyz alyp ötuge rūqsat etılgen mölşerden aitarlyqtai köp.
Memlekettık kırıster departamentınıŋ mälımetınşe, anyqtalǧan jaǧdailarǧa qatysy bar tört adamnyŋ jeke käsıpker märtebesı bolǧan. Taǧy tört azamat smartfondardy jeke käsıpker retınde tırkelmei äkelgen.
Memlekettık kırıster departamentı keden şekarasy arqyly tauar ötkızgen kezde olardyŋ jeke paidalanuǧa arnalǧan tauarlarǧa qoiylatyn zaŋ talaptaryna säikestıgın eskeru qajet ekenın eskerttı.
Qoldanystaǧy talaptarǧa säikes, bır adam keden şekarasy arqyly ekı smartfonnan artyq alyp öte almaidy. Tauardyŋ sany nemese sipaty jeke paidalanuǧa arnalǧan tauarlar ölşemderıne säikes kelmese, olar kedendık deklarasiialauǧa jäne tiıstı kedendık räsımdeuge jatady.
Tärkılengen smartfondar uaqytşa saqtau qoimasyna ornalastyryldy. Tauar ielerın äkımşılık jauapkerşılıkke tartu josparlanyp otyr.
